حسن الرداد يحتفل بعيد ميلاد إيمي سمير غانم: أخف دم في مصر كلها

حرص الفنان حسن الرداد على الاحتفال بعيد ميلاد زوجته الفنانة إيمي سمير غانم والذي يصادف اليوم الأحد، الموافق له 31 مارس فهي من مواليد اليوم نفسه عام 1987.

نشر حسن الرداد صورة لإيمي سمير غانم عبر حسابه الرسمي بموقع انستجرام، ووجه لها رسالة رومانسية وتهنئة لعيد ميلادها.

عيد ميلاد إيمي سمير غانم

وعلق على صورة زوجته، قائلًا: «كل سنة وإنتي طيبة يا ألذ وأخف دم في مصر كلها، عقبال مليون سنة ودايمًا سعيدة وناجحة ومحبوبة ومنورة حياتنا يا حبيبتي».

وفي وقت سابق، تحدث الفنان حسن الرداد عن كواليس قضاء شهر العسل بينه وبين زوجته الفنانة إيمي سمير غانم، وسر طلبها الطلاق منه.

إيمي سمير غانم

حسن الرداد وإيمي سمير غانم

قال حسن الرداد في تصريحات تلفزيونية له، عن سبب استمرارية ونجاح الزواج: «أعتقد أن عقل الرجل في أوقات كتير بيكون السبب لأن الست أسهل كلمة عندها خصوصًا في سنوات الزواج الأولى طلقني».

وأضاف: «أقسم بالله وإحنا لسه في الطيارة بهزر معاها ومعرفش إنها بتخاف من الطيران، وأنا في الطيارة ببقى كأني ماشي في البيت متحمس وبحب أتحرك وأفضل أقول الطيارة هتقع».

واستكمل حسن الرداد حديثه عن سبب طلب إيمي سمير غانم الطلاق منه في شهر العسل، قائلًا: «لقيتها قعدت تعيط وتقولي طلقني وزعلت وفضلت أصالحها لحد ما وصلنا المكسيك».

وتابع: «في بداية الجواز البنت لما بتضايق بتلاقي كلمة طلقني دي سهلة، لو الراجل ممسكش دماغه في كل المرات ممكن يحصل الانفصال، أول سنين جواز من وجهة نظري وتجربتي بيبقوا صعبين أوي عشان تفهموا طباع بعض».

واختتم الفنان حسن الرداد: «وبعد كده في صعوبات أنكم تخلقوا حاجات جديدة والحياة بين الاتنين المتجوزين عايزة نفس طويل».

إيمي سمير غانم في الأقصر

حسن الرداد وإيمي سمير غانم