حسن الرداد يكشف كواليس تصوير إيمي سمير غانم لمسلسلها أثناء الحمل

تحدث الفنان حسن الرداد عن زوجته الفنانة إيمي سمير غانم وكواليس تصويرها مسلسل عقبال عندكو أثناء حملها، مؤكدًا أنها بذلت مجهودًا كبيرًا رغم ظروفها الصحية.

وقال حسن الرداد في تصريحات تلفزيونية: "التمثيل كان مجهد وصعب، ربنا يكون في عونها، كانت متحاملة على نفسها في التصوير، وكل الناس كانوا بيساعدوها، وكان في كوميديا كبيرة عندنا بسبب الموضوع ده في المشاهد، وكانت من أحلى الأجواء".

أما عن جنس الجنين، فأوضح حسن الرداد أنه حتى الآن لا يعرفه، وكل ما يهمه أن يأتي في صحة جيدة، مضيفًا: "ولد أو بنت، أي حاجة، اللي يجيبه ربنا كويس، مش بفكر في كده".

وتابع: "بدعي دايمًا ربنا يرزق الواحد بطفل صحته كويسة ويبقى ولد أو بنت صالحين. لو جات بنت هسميها على اسم والدتي، ولو ولد إيمي تختار اسمه".