حسن شاكوش: أبويا مات على إيدي في المستشفى

تحدث مغني المهرجانات حسن شاكوش عن وفاة والده مشيرًا إلى أنها أصعب فترة وأكبر صدمة مر تعرض لها.

حسن شاكوش ووالده

وقال حسن شاكوش في تصريحات إعلامية: "أبويا مات على إيدي في المستشفى، والحاجة اللي دايما أؤنب نفسي عليها إن أبويا مش موجود معانا دلوقتي وأنا أعتبر في عزي".

وتابع: "هو متوفي من 15 سنة، لكن بكلمه وبروح له الترب، وبيبقى هاين عليا أدخل التربة أطلعه يبقى موجود في وسطنا حتى لو ميت، ووفاته هي الحاجة اللي قطمت ظهري".

تصريحات حسن شاكوش

واستكمل حسن شاكوش حديثه عن أنواع الظلم الذي تعرضه لها في مشواره، وقال: "أنا ربنا عوض عليا عشان اتظلمت، أنا من منطقة شعبية من بولاق الدكرور، والمنطقة دي اللي معهوش شغلانة ومتعلم كويس بيمشي غلط، لكن أنا الحمد لله حافظت على نفسي، وعمري ما شربت سيجارة ولا شيشة".

واختتم: "للأسف لو إنت في مجال الفن وقايم من على سجادة الصلاة هيقولوا إنت بتضحك علينا، مجالنا مشكلته إن الناس شايفاك من ورا الكاميرا مش شايفة حياتك الشخصية".