حسن شاكوش: بيحسسوني بمطار تونس إني مسجل خطر ومفيش رجوع لريم طارق

أعرب حسن شاكوش مؤدي المهرجانات عن استيائه من طريقة المعاملة التي يتعرض لها في مطار تونس، لافتًا إلى أنه لن يذهب لإحياء حفلات هناك إلا بشرط.

قال حسن شاكوش في فيديو «لايف» عبر حسابه الرسمي بموقع انستجرام: «اسوأ معاملة في الدنيا في مطار تونس، بنقعد في المطار 6 ساعات والمفروض منظمين الحفلات يخلصوا الإجراءات دي كلها قبل ما نوصل وكنت آخر مرة أنا والنجم تامر حسني بنحيي فرح في تونس».

أزمة حسن شاكوش في مطار تونس

وأضاف: «والناس في المطار مبيضحكوش في وشك ده بيحسسوك أنك عامل جريمة وهتاخد حتة من البلد على كتافك وهتمشي، أنا هقعد في بلدي أحسن لي، عمري ما رحت بلد إلا ولقيت الناس بتضحك في وشك، الشعب التونسي أنا بعشقه وكلهم على راسي».

وتابع حسن شاكوش: «ولكن أسوأ معاملة للفنانين في مطار تونس، أنا في مرة كنت هتصل ببلدي علشان ياخدوني بسبب المعاملة، بيحسسوني إني مسجل خطر وهاخد حتة من البلد».

حسن شاكوش

قصة حسن شاكوش مع فيلم الغربان

وفيما يخص قصته مع فيلم الغربان للفنان عمرو سعد، قال: «لو الفنان عمرو سعد بيشوفني أنا مصرحتش قبل كدة ولا قولت إنك خدت فيلم الغربان مني، مع أن الفيلم كان بتاعي أنا مضيته وكنت بطل الفيلم وصورت فيه وعملت برومو، مضيت مع الشركة وقعدت 3 شهور بتدرب مع حصان وضرب مع مدرب، وسافرنا سيوة وكان معانا الفنانة عائشة بن أحمد، ويشرفني أن عمرو سعد يعمل الفيلم كل شيء قسمة ونصيب».

وأضاف حسن شاكوش ليكشف موقفه من دخول مجال التمثيل: «قُلت مش هعمل زي ناس تانية وأدخل في التمثيل والغناء مع بعض وأفشل في التمثيل، لأ أنا عايز أدخل وأنجح، واتعرض عليّ حاجات كتير ومش همثل غير لما يجيلي حاجة تليق بيا، ومش عايز أعمل حاجة فاشلة تتحسب عليا».

رد حسن شاكوش على أنباء عودته لريم طارق

كما علق على الأنباء التي انتشرت مؤخرًا بشأن عودته هو وطليقته ريم طارق، قائلًا: «أنا مرجعتش حد أنا صحيت لقيت كله بيتكلم وأنا مأعلنتش حاجة.. مفيش رجوع خلاص بلوك».

حسن شاكوش وريم طارق

حسن شاكوش وزوجته