حسن شاكوش يرد على تصريحات زوجته الأخيرة: «أنا في بيتي واتربيت إني مبهدلش بنات الناس»

علق مطرب المهرجانات حسن شاكوش على الأنباء المنتشرة حول التحفظ عليه من الجهات الأمنية، بسبب سب وقذف زوجته ريم طارق.

تصريحات حسن شاكوش

قال حسن شاكوش في بث مباشر عبر حسابه الرسمي بموقع فيس بوك: «أنا في بيتي موجود وأهلي عندي في البيت ومشرفني في بيتي، مش بييجوا كتير ولما يجولي بالنسبة لي يوم عيد، وحبيت أطمنكم مفيش أي حاجة إحنا جامدين ومفيش إلا إحنا».

وتابع في رده على تصريحات زوجته الأخيرة حول تمكينها من الفيلا وتعديه عليها بالسب والشتائم، قائلًا: «عندي حفلة في المعادي ومستني كل حبايبي، والواحد لا بيئته ولا تربيته يبهدل بنات الناس أو يجرحهم أو يهينهم بأي كلمة لأن أنتوا عارفين الست والبنت لو بصتلها بصة وحشه توجعها».

حسن شاكوش وزوجته ريم طارق

حسن شاكوش وزوجته ريم طارق

واستكمل حسن شاكوش: «أهلي وأبويا وأمي ربوني إني احترم بنات الناس وعمري في حياتي اللي يعرفني هيعرف إني مش بعمل مشاكل مع حد ولا ضايقت حد ومش بأذي حد ولا بتكلم بإسلوب وحش مع حد».

وقال في الفيديو الذي نشره أيضًا: «واللي بيقول كده عشان يشهر بيا ويخلي صورتي وحشة وشكلي وحش قدام جمهوري والناس اللي بتحبني أقوله ربنا مش على كيف حد أنا بقول واللي بيكبر ويخلي للبني آدم قيمة هو ربنا دايمًا بقول يارب مش بقول يا عبد».

واختتم حسن شاكوش: «أنا طالع من قلب بيتي بتكلم معاكم، واللي هيكتب عني حاجة أو يتكلم عني هيقعدلك ويقعد لعيالك ولازم تدخل لعيالك فلوس حلال مش حرام، الظالم وابن الحرام ربنا ينتقم منه، وأنا طلعت أتكلم معاكم وأقولكم إني قاعد في البيت ومش هينفع أتكلم كتير عشان الجامع جنب مني، في أغنية هتنزل الفترة الجاية مع عمر كمال اسمها دي حلوة».

حسن شاكوش