حصاد تصريحات الفنانين الصادمة في 2022.. شيرين وحسام ودعم المساكنة

حصاد 2022 تصريحات الفنانين الصادمة تضم كوكبة كبيرة من النجوم الذين أثاروا ضجة كبيرة، بتصريحاتهم الجريئة طوال العام ومنهم حسام حبيب، وعلاء مرسي، ورانيا يوسف وشيرين رضا وآخرين.

حصاد 2022 تصريحات الفنانين الصادمة

حصاد 2022 تصريحات الفنانين الصادمة، نبدأها بالفنانة رانيا يوسف حيث قالت:

• إذا عاد بي الزمن كنت سأكتفي بأول زيجة لي وفقط، ولن اتزوج مرة ثانية وثالثة.
• الزواج في حد ذاته كان صعبًا مع ظروف حياتي.

ومن بين حصاد 2022 تصريحات الفنانين الصادمة ، يأتي الفنان رضا حامد الذي فتح صندوق أسراره، وقال:

• عادل إمام مش بيحب حد يظهر جنبه، وبيخاف من ده جدًا.
• محدش بيرد عليا لما بتصل بيه.

تنضم الفنانة يسرا ضمن حصاد 2022 تصريحات الفنانين الصادمة، حيث قالت:

• شميت ريحة الموت ووقفت مع عشماوي بس قلت له أوعى تشد الإيد بالغلط.
• لما وقفت على طبلية الإعدام محسيتش بالدنيا.

يسرا

حصاد 2022 تصريحات صادمة للفنانين

يشهد حصاد 2022 تصريحات صادمة للفنانين ومنهم الفنانة وفاء سالم، قائلة: «عقب إجراء عملية التجميل كنت أفكر في الانتحار لأنني كنت كلما نظرت لنفسي في المرأة وأرى تشويه وجهي أبكي».

أما الفنانة برلنتي عامر طليقة سعد الصغير فهي ضمن حصاد 2022 تصريحات صادمة للفنانين، حيث قالت:

• كان هيموت أختي ده شروع في قتل.
• هو شخصية غريبة وحنين في حاجات وحاجات تانية لأ.

وأثارت الفنانة ميسرة الجدل لتنضم لقائمة تصريحات صادمة للفنانين، معلقة:

• عمليات التجميل دمرت أنفي.
• معنديش مشكلة أتجوز راجل متجوز.

ميسرة

تصريحات جريئة للفنانين في 2022

من بين تصريحات جريئة للفنانين في 2022 الفنانة مديحه الحسيني، قائلة:

• ابني بيشرب مخدرات وباع ملابسي من أجل الإدمان وتفاجأت ببيع أثاث المنزل.
• قررت بيع كل ما أملكه من أجل علاجه، لأنني ليس معي غيره من الأولاد.
• ابني أدمن المخدرات منذ عشر سنوات وعانيت معه.
• ابني تسبب في تخريب منزل شقيقته وقام بسرقة حماتها دون علمي وجلب لي المصائب.
• المخدرات مسحت دماغ إبني وسرق فلوس الإيجار وذهبت به للقصر العيني لعلاجه.

أثارت شيرين رضا ضجة كبيرة بتصريحات جريئة لها، قالت فيها: «معنديش مانع مع الأذان، المشكلة معايا في مستوي الصوت، مش المفروض أي حد ممكن يأذن، المشكلة في مستوي الصوت مش أي حد ممكن يقوم يأذن للناس».

تصريحات جريئة للفنانين في 2022 أبرزهم حورية فرغلي التي كشفت معاناة وأسرار صادمة قائلة:

• اتجوزت 3 شهور بس وكنت مخطوبة قبلها من حب عمري ومات قبل فرحي بيوم.
• حاولت اتبنى ولد لكنهم رفضوا عشان أنا مش متجوزة، حبيتوا عشان أول ما دخلت الملجأ جري عليا.
• أختي من والدي معرفش حاجة عنها خالص، عشرتها صعبة وبتغير مني وعايزة أقول لها ربنا يهديكي.
• هيثم أحمد زكي ارتبط بيا عاطفيًا رغم إني أكبر منه بـ 6 سنوات، ومكلمتوش تاني بعد ما قالي باي باي يا طنط.
•  فضلت 4 سنين فاقدة حاسة التذوق والشم، ونسيت طعم الأكل.

حورية فرغلي

تصريحات صادمة للفنانين في 2022

زيزي عادل تنضم لـ تصريحات صادمة للفنانين في 2022 ، بعد أن قالت:

• في كذا حاجة غلط بتحصل في الغناء بداية من تصوير الفيديو كليب واللبس اللي هطلع بيه على الاستديج عشان كدة اعتزلت.
• لو رجع بيا الزمن مش هروح برنامج ستار أكاديمي وفكرته لا تناسب تقاليد مجتمعنا، وكان فيه كاميرات في كل مكان حتى في الحمام.

تصريحات صادمة للفنانين في 2022 منهم الفنان محيي إسماعيل: «بخاف أحضر الجنازات وبخاف من الموت وده خطأ كبير في تكوين شخصيتي ومرة واحد ضحك عليا وقالي أنزل أدفن معايا وشوفت المقبرة وطلعت مغمى عليا».

محيي إسماعيل

أثار جاد شويري ضجة كبيرة بعد أن قال:

• أُدافع عن قضايا اللاجئين والعابرين جنسيًا والمثليين والسود وأي شخص يتعرض للاضطهاد والعنصرية من قبل المجتمع.
• من حق المرأة استخدام مفاتنها وإبراز جمالها الخارجي كطريقة لجذب الرجال، وأي قمع لهذا الأمر يحد من حرية المرأة.

بينما قالت حنان شوقي ضمن تصريحات صادمة للفنانين في 2022:

• في رمضان ختمت القرآن وأنا قاعدة على السرير أنا في ليلة القدر أنا شفت سيدنا النبي يقظة مش منام، ودي غيرتني 360 درجة، اتهديت زي ما ربنا عاوز في كل شيء.
• لازم أبوس إيد جوزي وأبوسه وأقوله عايز حاجة مني؟.

تصريحات الفنانين في 2022

ضمن تصريحات الفنانين في 2022 ، الفنان باسم سمرة الذي قال: «في فيلم الجزيرة عملولي أزمة ومشاهد محدش كان يقدر يعملها، وكنت بخاطر حياتي ونفسي وفي النهاية اتشال، ومازلت نفسيتي تعبانة لحد دلوقتي وكان في استهانة».

تنضم الفنانة هندية لتصريحات الفنانين في 2022، حيث قالت:

• أيمن السويدي مرة خرجني بروب الرقص عشان مشتغلش وكان بيرش على شعري ماية.
• لبست النقاب مرة واحدة وبعدها جتلي حساسة فالدكتور قالي إقلعيه على ضمنتك.
• لبست الحجاب 11 سنة حسيت إني عريانة بعد ما قلعته.
• جوزي قالي مش عايز أجيب أولاد من فنانة وأجبرني على إجهاض طفلي.
•  ابن شقيقي اتعدى عليا وكان ماسكلي السكينة عشان كان عايز يستولى على شقته.

الفنانة هندية

غادة إبراهيم من أكثر الفنانين إثارة للجدل في تصريحاتهم حيث قالت:

• لو رجع الزمن بيا مش هتجوز من الشخص اللي بهدل حياتي.
• قطعت شراييني بعد وفاة والدي.

وقالت ميار الببلاوي عن مشاهدها الجريئة:

• فيلم ديسكو ديسكو معظمه اتصور في رمضان، وأنا عندي عقدة من التصوير في رمضان رغم أني كنت شابة ولسه بلبس وكده.
• مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت بمايوه شورت كده وزعقتلي.
• مشهدي الجريء مع عمرو عبد الجليل كنا في رمضان وكنت رافضة أصوره لدرجة دخلت الحمام وفضلوا يخبطوا عليا.
• لما رفضت تصوير مشاهدي الجريئة مع عمرو عبد الجليل، نجلاء فتحي قالتلي بصي يا حبيبتي رمضان ده معمول عشان الناس الفقراء.

أما صفوة فقالت في تصريحات تلفزيونية لها:

• مش عايزة أجرح في حق زوجي الثاني بس بجد اتحملت فوق طاقتي، كان كبير عني في السن بفارق كبير، وكان صورة راجل وكنت بضربه من الغيظ.
• كرهت اليوم اللي كنت فيه أنثى لما اتجوزت زوجي الثاني لأنه كان صورة راجل، وبعد ليلة الدخلة فضلت لابسة هدومي لحد لما أهلي زاروني تاني يوم الصبح وقلت لهم مشكلته.

صفوة

بينما قالت دينا في تصريحات جريئة لها:

• حاولت الانتحار كان وقتها عندي 20 سنة.
• مكنتش ناوية أخلف غير من واحد أثق فيه إننا هنفضل أصحاب طول العمر حتى لو انفصلنا.
• أنا أتجوزت 9 مرات، وكل تجربة كانت مختلفة، وزودتني منقصتنيش.

أجرأ تصريحات الفنانين في 2022

حسام حبيب من أجرأ تصريحات الفنانين في 2022 بعد أن قال:

• أنا مش مدمن مخدرات، وبحاول أعالج شيرين من الحالة دي، وعلجتها واحنا متجوزين بس هما خدوها لسكة تانية تاني.
• شيرين عبد الوهاب كانت بتتاكل لما كنت بغفل عنها شوية صغيرين.
• عمري ما خدت من شيرين جنيه، وكان هدفي اني أكبرلها فلوسها.
• شيرين عبد الوهاب حاولت الانتحار في المستشفى، وكانت رافضة الأكل لمدة 3 أيام.
• عيطت أما شيرين حلقت شعرها وكنت في حالة ذهول وصدمة.
• أنا كان عندي فلوس أكتر منها بكتير من قبل ما نتجوزلأنها كانت منهوبة وأنا كنت العدو الأول لأي حد يعمل كدة.
• شيرين عبد الوهاب اتضربت واتسحلت من شعرها واترفع عليها مطاوي.

شيرين عبد الوهاب وحسام حبيب

من بين أجرأ تصريحات الفنانين في 2022 ، ما قالته دوللي شاهين:

• مكنتش بحب بابا وأنا صغيرة، وده اللي خلاني عايزة أتجوز وأخرج من البيت.
• لما ابتديت أحس إني بنت وابتدى يتقدملي عرسان وأنا طفلة عمرها 12 سنة حصلت له صدمة، وابتديت أتسجن في أوضتي وممنوع أخرج منها ولا أشوف حد ولا آكل مع عيلتي.

تعرض الفنان فكري صادق لحملة انتقادات عنيفة بعد تصريحاته عن سعيد صالح، قائلًا:

• فيلم سلام ياصاحبي كان بالنسبة لي عادل إمام.
• لكن سعيد صالح ممثل عادي وفيه كتير زيه.

أزمات شيرين عبد الوهاب وحسام حبيب في 2022

قالت شيرين عبد الوهاب عن أزماتها مع حسام حبيب:

• عاوزة أستغفر ربنا على الكذب اللى كذبته عشان أخلى صورة إنسان تبقى كويسة، وأنا كذبت ودى أكتر حاجة ربنا مبيحبهاش.
• حسام حبيب ضربني وسحلني على الأرض وهو اللي حلق لي شعري.
• وأنا من القلعة وممكن أروح أهد عليهم العمارة اللى قاعدين فيها، وأنا عاوزة حقي منه.
• أنا ست قاعدة فى أمان الله مع بناتى، بقالنا 4 سنوات شايفين الويل.
• سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتى، ومكناش بنخرج
• كنت محبوسة 24 ساعة فى أوضة نومي مش بعمل حاجة، قاعدة بس، وأنا غلطت فى حق نفسي، وكنت فاكرة إني بحافظ على بيتي لكني اكتشفت إنه مكنش بيت.
• كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك، ومع ذلك فضلت جنبه، وهو لا يعرف إلا فكرة حب الامتلاك.
• حسام سرق العربية من قدام البيت.. سرق العربية مستغلا تواجدي في الساحل.. أنا خرجت من الجوازة دي بالوكسة والحسرة.
• ده إنسان خطر، لازم أروح اتعالج من آثاره عليا.

ومن جانبه، يرفض الفنان محمد عطية فكرة الزواج قبل أن يعيش لفترة مع السيدة التي سوف يتزوجها «المساكنة»، متابعًا إلى أنه يتعرض للمضايقات والتحرش على «انستجرام».

أبرز تصريحات مروة ناجي: «غنيت بالصدفة وفستاني اتقطع وفقدت الذاكرة»

شذى في 10 تصريحات صادمة: «كنت أرجل من أي حد ارتبطت بيه وسيرة تامر حسني بتقلب مزاجي»