حقيقة فيديو مشاجرة ماجي بوغصن مع أم تعنف ابنها.. فيديو

ياسمين حمادة 04 يوليو 2023 | 10:58 مساءً

كشفت الفنانة اللبنانية ماجي بو غصن حقيقة فيديو المشاجرة أو الخناقة الذي تم تداوله لها، حيث ظهرت خلاله تتشاجر مع أم تعنف ابنها.

حقيقة فيديو مشاجرة ماجي بوغصن

قالت ماجي بوغصن عن فيديو المشاجرة: «اللي شوفتوه مش حقيقي.. ده مشهد تمثيلي .. بس المشهد التمثيلي ده بقى حقيقة وعمال يتكرر كل يوم ورا أبواب مقفولة أو بالعلن».

وتابعت في فيديو نشرته عبر حسابها الرسمي بموقع انستجرام: «مرتكب التعنيف للأطفال ممكن يكون شخص غريب شخص ما بنعرفوش وممكن يكون أقرب شخص للطفل.. التعنيف له أشكال كتيرة ممكن يكون تعنيف جسدي أو لفظي أو جنسي أو إهمال».

حقيقة فيديو مشاجرة ماجي بوغصن

تصريحات ماجي بوغصن

وأضافت الفنانة ماجي بوغصن: «للأسف عايزة أقولكوا .. حالات العنيف الجسدية بلبنان زادت بنسبة كبيرة جدًا .. عارفة إن كلنا بنعيش بضغط كبير والضغط ده بيإذينا بس ما فينا نعرض ولادنا للأذى نتيجة الضغط اللي إحنا بنعيشه .. جمعية حماية هي جمعية حماية للأطفال من أي شكل من أشكال التعنيف وبتساعد الأهل كمان بتساعدهم بطريقة نفسية وإجتماعية بطريقة مخصصة».

وقالت أيضًا: «أنا بحب أعلن بالفيديو ده إني انضميت لجمعية حماية وإني السفيرة الإعلامية للجمعية .. كلنا لازم نكون إيد واحدة .. كلنا مسئولين عن حماية أطفالنا .. ما فينا نشوف كل حاجة بتحصل حوالينا ونفضل ساكتين».

وعلقت على الفيديو قائلة: «يسرّنا التعاون مع الممثلة #ماغي_بو_غصن كسفيرة إعلامية لجمعية #حماية لننشر سوا الوعي حول ظاهرة العنف ضدّ الأطفال بكافة أشكاله.. منعرف قدي التحديات بمجتمعاتنا كتيرة والظروف صعبة بس بتضامنّنا منقدر نحمي أطفالنا ونقدّم للأهل الدعم اللازم لرعاية أطفالهم».

واختتمت: «كتير مهم لما نشهد على عنف ضد طفل نتدخل بشكل آمن وبأقل ضرر ممكن.. سلامة الأطفال قضيتنا ومهمتنا.. #حماية حدكن دايماً ما تترددوا تطلبوا مساعدتنا».

حقيقة فيديو مشاجرة ماجي بوغصن