حكاية سعاد 73 سنة: «بشتغل رغم ظروفي وعندي 5 بنات مش بيسألوا عليا»

أجرى الإعلامي هاني النحاس لقاء، مع سيدة تعاني من ظروف مادية ومرضية صعبة، تدعى (سعاد)، وتعمل من أجل إيجاد لقمة العيش، في ظل الظروف الاقتصادية التي تعاني منها.

وقالت خلال لقائها مع الإعلامي هاني النحاس في برنامج «ساعة الفطار» المذاع على قناة «صدى البلد»: زوجي متوفي بقاله 30 سنة، وأنا عايشة من معاش قليل، بنشكر ربنا عليه، وبشتغل في نادي بـ2500 جنيه، بس الدنيا صعبة، وكل شوية عليا ديون.

وتابعت السيدة سعاد: عندي 5 بنات، ربيتهم وجوزتهم وشقيت عليهم سنين، علمتهم وعملت كل حاجة علشانهم، لكن دلوقتي ولا واحدة فيهم بتسأل عليا، ولا حتى في أي مناسبة، ولا حتى مكالمة، كأنهم ما يعرفونيش خالص.

وواصلت حديثها لـ هاني النحاس: أنا مش مسامحاهم، لأن أنا تعبت عليهم كتير، وما كنتش متخيلة إنهم يعملوا كده، أنا ربيتهم على المحبة والسلام، وكنت بوقف معاهم حتى بعد جوازهم، لكن دلوقتي أنا كبرت ومالي الأمراض، عندي روماتيزم وخشونة وغضاريف في رقبتي وظهري، وانزلاق غضروفي في رجلي، وبقضي الليالي مش عارفة أنام من الوجع.