حكاية نصيحة من محمد خان غيّرت حياة أحمد داوود

تحدث الفنان أحمد داوود عن الأمان في حياته، موضحًا أنه يستمده من زوجته الفنانة علا رشدي، كما كشف نصيحة المخرج محمد خان التي غيّرت مسيرته.

قال أحمد داوود عبر تصريحات إعلامية: «الزوجة هي اللي بتحسس الراجل بالأمان، لازم يكون في حد كدا بتسند عليه، لما بمر بلحظات ضعف صعبة بطلعها لمين؟.. فلازم يكون في حد بتسند عليه وعلا كده».

تصريحات أحمد داوود

وتابع: «وده رزق الحمدلله كان ممكن ميحصلش أو مقابلهاش أو تتلغبط أو تتأخر في الجواز، فـ زي ما ربنا مديني شغل كويس وأطفال كويسين ومديني كل حاجة الحمد لله.. ده رزق».

وفيما يخص نصيحة المخرج محمد خان له، قال أحمد داوود: «أستاذ محمد خان الله يرحمه هو اللي علمني جملة (اللي بعده) سواء حلو أو وحش لأنه عدى عليا أوقات وحشة كتير ولو وقفت عندها ممكن توديك في حتة مش كويسة».

نصيحة محمد خان لـ أحمد داوود

واختتم أحمد داوود حديثه: «فسواء التجربة حلوة أو وحشة متقفش عندها كتير وكمل».

يشار إلى أن أخر أعمال أحمد داوود فيلم الهوى سلطان، مع منة شلبي وجيهان الشماشرجي وأحمد خالد صالح وسوسن بدر وآخرين، وينافس ضمن موسم مسلسلات رمضان 2025 بمسلسل الشرنقة مع مريم الخشت وسارة أبي كنعان وصبري فواز وعلي الطيب وآخرين.

أحمد داوود