حلا شيحة تغلق التعليقات على منشور تامر حسني بعد الهجوم عليها

أغلقت الفنانة حلا شيحة، التعليقات على المنشور التي كتبها عبر حسابها الشخصي انستجرام، وتبرأت من خلاله عن المشاهد التي جمعتها بالفنان تامر حسني في كليب فيلمهما الجديد «مش أنا»، والذي يُعرض حاليا في السينمات.

وقالت حلا، «إحنا يمكن نجحنا بمقايس الدنيا، بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جُواهم خير، بس للأسف فتنة الشهرة والنجاح مش بتخلينا نشوف ونقيس الأمور صح.. بتكلم من قلبي، الكليب ده ميرضيش ربنا، وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها، وكلنا بنغلط ولازم نغلط، علشان إحنا بشر بس المصيبة إننا بنغفل وبننسى».

وأضافت، «أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة.. أيام مُباركة وخصوصًا بعد آخر بوست نزلته ووضحت فيه أنا إيه، واتفاجئت أكتر خصوصًا بعد وعد تامر حسني ليا وتأكيده إنه هيحترم رغبتي، وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي».

وتابعت: «أنا مش هتكسف من حد.. أنا تبت من المشاهد دي وهي لا تصح، وأنا غلطت وبصلح وأهم حاجة إن ربنا يرضى عني لأن في الآخر ده اللي هينفعنا.. مش الشهرة ولا النجاح، لا هو مش نجاح أصلا.. علشان النجاح الحقيقي حاجة تانية خالص.. إحنا أغلبنا ناسينها إلا القليلين منا».

حلا شيحة عن مشاهدها الرومانسية مع تامر حسني: «كانت ذلة.. وميرضيش ربنا»

حلا شيحة عن كليب فيلم «مش أنا» : «ميرضيش ربنا وعيطت لأني شفت نفسي في المشاهد دي»