حلا شيحة عن عودتها للحجاب: حصلي فترة لغبطة ومكنتش بعرف أنام

كشفت الفنانة حلا شيحة أسباب دعتها للعودة الى الحجاب مرة أخرى، وذلك في أولى الحلقات التي أعلنت طرحها عبر قناة بموقع الفيديوهات يوتيوب.

قالت حلا شيحة في الفيديو: «ربنا بيغير الأحوال، محدش أبدًا ييأس من رحمة ربنا، محدش يقول أنا مش هعرف أنا مش كويس ربنا مش هيستجيب مفيش حاجة اسمها كدة».

تصريحات حلا شيحة عن عودتها للحجاب

وتابعت: «فيه حاجة اسمها أنا ليا رب كريم وغفور وودود وقريب ومجيب أول ما أنادي له هيرد عليا وهيساعدني، لأن ربنا سبحانه وتعالى بيدي الدنيا لكل الناس للمؤمنين وغير المؤمنين».

واستكملت حلا شيحة: «ولكن لا يعطي الدين إلا لمن أحب، فيكون دايمًا قلبنا اللي ربنا بينظر عليه أننا بنحبك يارب، أننا معلش بنغلط بس أنت الغفور، أنك تكون طمعان وغرقان في كرم ربنا أوي أنك تكون عارف يقينًا أن ربنا هيغفرلك، حصلي فترة لغبطة ومكنتش بعرف أنام وكلنا بيحصل لينا الفترة دي».

تصريحات حلا شيحة

واختتمت: «وهبقى أحكي ليكم الأسباب، والصراعات اللي بتحصل بعد فترة قُرب من ربنا واردة وبتحصل بس مش مهم، والأحلي إني في كل مرة بقع بقول أنا ليا رب».