حلمي عبدالباقي: أنا اكتشفت نفسي وجيلنا محظوظ

تحدث المطرب الكبير حلمي عبدالباقي، عن ذكرياته مع الغناء وبداية مشواره الفني ومواقف تعرض لها في حياته.

وقال حلمي عبدالباقي، ببرنامج سبوت لايت المذاع على قناة صدى البلد وتقديم شيرين سليمان: جيلنا كان محظوظ، ولكن مش محظوظ إعلاميا والمتلقي كان مختلف عن دلوقتي ولما كنا بنعمل أغنية كنا نتوقع انها رايحة في حتة تانية لان المتلقي سميع للأغاني.

حلمي عبدالباقي: اكتشفت نفسي ومحدش اكتشفني

وتابع حلمي عبدالباقي: أنا اللي اكتشفت نفسي ومحدش اكتشفني وأنا من الزقازيق، وكان فيه فرح عندنا والعريس كان صاحبي  الفرح خلاني غنيت.

حلمي عبدالباقي: غنيت في العيد القومي بالشرقية

واستكمل حلمي عبدالباقي ببرنامج سبوت لايت المذاع على قناة صدى البلد تقديم شيرين سليمان: لما جه العيد القومي لمحافظة الشرقية خلوني أغني في الحفلة دي، ومن ذلك الوقت اكتشفت اني بغني كويس.

وأضاف حلمي: على مدار حياتي في مواقف كتير لما بفتكرها بضحك، وكنت في كورال الجامعة بغني صولو ومكنتش أعرف يعني إيه موال ومقام، وتعلمت كل ده بالممارسة، ومرة كنت طالع في حفلة تبع الجامعة وكنت بغني للأستاذ محمد العزبي،

وكنت مبسوط جدا وقتها ولما خلصت قولت للاستاذ قطب ايه رأيك؟ فقالي إيه القرف ده عمال تدخل من مقام وتدخل مقام تاني، وكانت نقلة في حياتي وكنت لازم اتعلم واثقف نفسي وبقيت أعرف من الموسيقييين كل حاجة محتاج أعرفها في المزيكا.

حلمي عبد الباقي يتقدم ببلاغ للنائب العام بسبب التلاعب في عودة حسن شاكوش للغناء

حلمي عبدالباقي يهاجم عودة حسن شاكوش للغناء: معجبنيش قرار النقابة.. فيديو

حلمي عبدالباقي يرد على حصول حسن شاكوش على تصريح الغناء: معجبنيش المفاجأة بقرار النقابة