حلمي عبد الباقي: رفضت دخول بناتي مجال الغناء لأني فلاح

إسماعيل هاني 03 مارس 2023 | 11:31 مساءً

تحدث المطرب الكبير حلمي عبدالباقي، عن علاقته ببناته الأربعة، كاشفا سبب عدم دخول ابنته الكبرى للغناء رغم امتلاكها الموهبة.

وقال حلمي عبدالباقي، ببرنامج سبوت لايت المذاع على قناة صدى البلد وتقديم شيرين سليمان: عندي 4 بنات وعايش مدلع خالص ويا بخت اللي عنده بنات، وأنا بناتي كلهم متعلقين بيا أوي.

أسماء بنات حلمي عبد الباقي

وتابع حلمي عبدالباقي، أن أسماء بناته الأربعة دينا وماهيتاب وساندي وباكينام، موضحا: 'أمي الله يرحمها كانت بتقولي يا ابني أنت مسمي لنا أسامي هندي ومكنتش تعرف تقول اسم باكينام.

وأضاف حلمي ببرنامج سبوت لايت، أن ابنته الكبرى «دينا» تحفظ جميع أغانيه أكثر منه، لافتا إلى أنها لم تدخل مجال الغناء لأن الموضوع كان صعب عليه لأنه فلاح، ولا يتمنى لبناته أن يمروا برحلة التعب التي عانى منها في مشواره.

حلمي عبدالباقي: أنا اكتشفت نفسي وجيلنا محظوظ

تحدث المطرب الكبير حلمي عبدالباقي، عن ذكرياته مع الغناء وبداية مشواره الفني وموقف تعرض له في حياته.

وقال حلمي عبدالباقي، ببرنامج سبوت لايت المذاع على قناة صدى البلد وتقديم شيرين سليمان: جيلنا كان محظوظ، ولكن مش محظوظ إعلاميا والمتلقي كان مختلف عن دلوقتي ولما كنا بنعمل أغنية كنا نتوقع انها رايحة في حتة تانية لان المتلقي سميع للأغاني

وتابع حلمي: أنا اللي اكتشفت نفسي ومحدش اكتشفني وأنا من الزقازيق، وكان فيه افراح عندنا وصاحب الفرح كان صحابي بيخلوني أغني

واستكمل عبدالباقي ببرنامج سبوت لايت: لما جه العيد القومي لمحافظة الشرقية خلوني أغني في الحفلة دي، ومن ساعتنا اكتشفت اني بغني كويس.

وأضاف حلمي: على مدار حياتي في مواقف كتير لما بفتكرها بضحك، وكنت في كورال الجامعة بغني صولو ومكنتش أعرف يعني إيه موال ومقام، واتعلمت كل ده بالممارسة، ومرة كنت طالع في حفلة تبع الجامعة وكنت بغني للاستاذ محمد العزبي،

وكنت مبسوط جدا وقتها ولما خلصت قولت للاستاذ قطب ايه رأيك؟ فقالي إيه القرف ده عمال تدخل من مقام وتدخل مقام تاني، وكانت نقلة في حياتي وكنت لازم اتعلم واثقف نفسي وبقيت أعرف من الموسيقييين كل حاجة محتاج أعرفها في المزيكا.