حمادة هلال: النجاح بيني وبين عصام إسماعيل عمر وعِشرة مش شغل وبس

أعرب النجم حمادة هلال عن اعتزازه الكبير بصديقه الملحن والمطرب عصام إسماعيل، مؤكدًا أن ما جمعهما من نجاحات فنية لم يكن مجرد تعاون مهني، بل ثمرة علاقة إنسانية قوية مبنية على الصداقة والعِشرة الحقيقية.

وقال حمادة، في تصريحات تلفزيونية: "النجاح اللي حصل بيني وبين عصام ما كانش شغل والسلام، دي علاقة عشرة ومحبة وأخوة حقيقية.. الأغاني اللي عملناها زي (كل ما أفكر فيك) و(الحب حلو) اتولدت وسط ذكرياتنا وضحكنا وسهراتنا، مش جو شغل رسمي".

وأضاف: "عصام من المطربين الجامدين جدًا قبل ما يكون ملحن، لكنه اختار التلحين في الفترة دي، ونجاحه بيثبت كل يوم إنه موهوب بجد".

وتطرّق هلال خلال المكالمة لبعض الذكريات الطريفة بينهما، قائلًا: "كنت بعمل فيه مقالب جامدة جدًا، ويصدقها! ولو قلت له جملة لحن من سنين يفضل فاكرها، دماغه كمبيوتر بجد".

وقبل انتهاء المداخلة، لبّى حمادة طلب جمهوره على الهواء، وقدم بصوته اللايف مقطعًا من أغنيته الشهيرة "والله يا حب عمري وحياتي"، ما أضفى على الأجواء حالة من البهجة والحنين بينه وبين محبيه.

واختتم حديثه برسالة محبة إلى عصام إسماعيل، قائلًا: "أنا بحب عصام جدًا، وبفرح لنجاحه، وإن شاء الله لما أرجع من السفر أكون معاكم وأغني لايف تاني".