كشف الفنان حمادة هلال لأول مرة تفاصيل إصابة زوجته بمرض السرطان، متحدثًا عن اكتشاف المرض والظروف التي سبقت خضوعها لعملية جراحية لاستئصال الورم.
قال حمادة هلال عبر تصريحات تلفزيونية إن اكتشاف مرض زوجته كان مفاجأة لجميع أفراد الأسرة، مضيفًا: «كانت مفاجأة لينا كلنا، ووقت ما عرفنا كنا في الساحل الشمالي».
وتابعت: «وهي طول الوقت كانت تعبانة، لكنها صابرة، كنت بقول إن ده بسبب ضغوطات الأولاد، لكن بدأ يغمى عليها، والحمدلله عرفنا بدري، وهي كانت مش عاوزة تقولي أنا ولا أي حد».
وقال أيضًا: «قالنا الخبر دكتور لسه متخرج وكنت عايز أروح أعاقبه لكن أما نزلنا القاهرة اكتشفت أن كلامه كويس وكنت عايز أرجع أبوس دماغه لأن بفضله عرفنا في الوقت اللي ربنا ينجدنا فيه وهي مكنتش عايزة تعرفني».
واستكمل حمادة هلال: «كانت عاوزة تعمل الموضوع في هدوء، وعملنا العملية وشيلنا الورم، بس طبعًا كانت صدمة لينا كلنا، وبإذن الله ما يكونش فيه حاجة تاني».
واختتم: «أنا واثق في كرم ربنا، وربنا هيكون معاها، لأنها دايمًا بتحب الخير لكل الناس، وقصدت أعرف ابني يوسف علشان منضغطش عليها».
