حمو بيكا : «الحمد لله بقيت أحسن وربنا مايجعل عندكم أمراض أو حاجة وحشة»

وجه مطرب المهرجانات الشعبية حمو بيكا رسالة إلى جمهوره ، بعد تعاطف وتضامن عدد كبير منهم معه بعد وقف نقابة المهن الموسيقية له ومنعه من الغناء، وتعرضه لوعكة صحية مؤخراً

وكتب حمو عبر حسابه الشخصي «فيس بوك»، « أنا بجد حابب اشكركم علي دعواتكم ليا في مرضي ووقفتكم معايا دي ، بجد انا بحبكم جداً من كل قلبي ، انا بيكم مكمل وهكمل لاخر نفس فيا».

وأضاف، «انا الحمد لله بقيت احسن بكتير وادعولي ربنا يفكها عليا واقدر اسعدكم كمان وكمان، دمتم سند وضهر ليا»

وتابع،«حابب اوجه رساله للناس اللي مش بتحبني وكانت شمتانه وبتتنمر عليا، انا برضه بحبكم وهفضل شايلكم علي دماغي من فوق، وربنا ما يجعل عندكم اي مرض واي حاجة وحشه ابداً ويديكم علي قد نيتكم وقلبكم يارب ويديكم كل الرزق ، بحبكم كلكم» .

حمو بيكا يتصدر التريند

تصدر مطرب المهرجانات الشعبية حمو بيكا محركات البحث علي «جوجل» خلال الأيام الماضية، ، بعدما تعرض لـ وعكة صحية ونقل إلى المستشفى منذ أيام .

وظهر حمو بيكا في بث مباشر على حسابه الرسمي بـ موقع التواصل الاجتماعي فيسبوك، قائلًا: «أشكر كل من سأل عليا في أزمتي، وربنا يسامح من تنمر عليا، لأني أعاني من مرض إللي معاه فلوس بس هو اللي بينجو منه، وربنا ما يكتبه على حد».

وأضاف: «أنا مكمل المشوار بحب الناس ليا، وأنا لما ربنا ياخدني هستريح أحسن ما أعيش مش عارف أخد حقي.. ونصيحة مني شوف حياتك وأجري ورا حلمك وبلاش تنمر على الناس، واللي مش فاهم يعني إيه كرونز يبحث عنه».

ويتواجد مطرب المهرجانات الشعبية حمو بيكا في المنزل حالياً، بعد خروجه من المستشفي، إثر تعرضه لوعكة صحية شديدة .

تفاصيل بلاغ حلمي عبد الباقي ضد حمو بيكا

عمر كمال على خطى حمو بيكا .. إيقاف وفيديو مسىء والفاظ خارجة ضد هاني شاكر