حمو بيكا: «النقابة فيها ظلم وافترى .. أنا مش بنام والناس مش عارفة أنا عايش إزاي»

نشر مطرب المهرجانات الشعبية حمو بيكا، بث مباشر عبر حسابه الشخصي على موقع تبادل الصور والفيديوهات انستجرام، وناشد من خلاله رئيس الجمهورية عبد الفتاح السيسي بسبب الظلم الذي يتعرض له في نقابة المهن الموسيقية، والمأساة التي يعيشها بعد وقفه عن الغناء.

وقال حمو بيكا، «النقابة فيها ظلم وافترى، وأنا هاخد حقي بالقانون وحسبي الله ونعم الوكيل، وهكشف الظلم اللي بيحصل في النقابة وبعدها مش هبقى عايز أغني تاني، فيه ناس قدمت ورق مزوَّر، وناس تاني مسجلة، وبعدين أخدوا الكارنيهات» .

وأضاف، «أكل عيشي واقف وحياتي مدمرة من النقابة، أنا مظلوم يا سيادة الرئيس والنقابة جاية عليا.

تعبت وشقيت ونجحت بـ فضل جمهوري؛ لأني طيب وقلبي أبيض، أنا وقفت مع فرقتي وعمري ما قولت أنا بنجح بـ نفسي».

حمو بيكا يناشد نقابة المهن الموسيقية 

وتابع حديثه، «أنا مش بعرف أقرا ولا أكتب، ولا أعرف أرد على الناس، بس الناس حبتني، وكمان اتعرضت للخيانة من مدير أعمالي، وقال كلام عني من ورا ضهري بالرغم من صداقتنا، مش مشكلتي في النقابة ولا أني أشتغل بس ربنا لما بيرزق حد مينفعش حد يمنعه».

وناشد رئيس الجمهورية بالعودة للغناء مرة خرى قائلاً، «أنا مش بنام والناس مش عارفة أنا عايش إزاي، وهوريكوا قد إيه ناس عايشة من ورايا، أنا واثق في الرئيس والدستور وأحنا في دولة القانون وأنا مظلوم، أنا جنسيتي مصرية وممنوع من الشغل في بلدي في المقابل في ناس أجانب بيشتغلوا في مصر، هل دا عدل؟، مابقتش فارقة معايا عايش زي ميت ويا نعيش بكرمتنا ورجالة يا نموت.ما عاش اللي هيكسر عيني ويذلني ويا جبل ما يهزك ريح».

القصة الكاملة وراء مشاجرة شمس مع حمو بيكا .. «طول ماهو ماشي بيخبط مع الناس»

حمو بيكا عن هجومه على منى زكي : «كفاية كذب وتضليل وتشويه لأسمي»