حمو بيكا يرد على الساخرين: بتقولوا عنى جاهل.. افتكروا التربية قبل التعليم

وجه مطرب المهرجانات الشعبية حمو بيكا رسالة إلى كل المتنمرين عليه، بسبب عدم حصوله على شهادة، بعدما هنأ طلاب الثانوية العامة بنجاحهما .

وكتب بيكا عبر حسابه الشخصي بموقع التواصل الاجتماعي «فيس بوك»، قائلا: «بتقولو عني جاهل ومش متعلم.. مع إن دي حاجة أنا عمري ما أنكرتها ولا حتي خبيتها على الناس من يوم ما ربنا كرمني واتشهرت وبقي ليا جمهور، بس هرجع وأقولكم تاني إنها حاجة مكنتش بإيدي».

وأضاف: «أنت بقي يا متعلم التعليم علمك إنك تقعد تعاير الناس بعيوبها؟، التعليم علمك إنك تفضل تتنمر على خلق الله؟، التعليم علمك إنك مباح ليك الشتيمة في حد هو أقل منك في شيء؟، أكيد لا، فمتجيش من ورا شاشة وكيبورد تعمل فيها عم الناصح».

وتابع: «وأنت أصلا موركش حاجة تعملها!، أنا متعلمتش ومنولتش الشرف الكبير ده، بس اتعلمت حاجات كتير في الدنيا أنت متعلمتهاش لسه، اتعلمت احترم الكبير والصغير.. اتعلمت أشقى وأتعب من صغري، اتعلمت إني مغلطش في حد.. اتعلمت حاجات كتير جدا في حياتي أنت عمرك مهتتعلمها طول ما أنت باصص للناس!، فكر في كلامك كويس وكومنتاتك كويس قبل ما تكتبها، وقبل ما تقول إنك متعلم افتكر إنك في تربية وتعليم، يعني التربية قبل التعليم».

حمو بيكا يكشف حقيقة خلافه مع نور التوت: هاخد حقي بالقانون

حمو بيكا يعشق أراضى ليبيا.. مطرب المهرجانات يكشف حقيقة إلغاء حفله