حمو بيكا: قابلت صديقي الناجح أبو هشيمة.. وفي الحقيقة حاجة تانية غير السوشيال

علق مؤدي المهرجانات حمو بيكا، على لقائه مع رجل الأعمال أحمد أبو هشيمة، معربا عن تشرفه بمقابلته.

ونشر حمو بيكا، صورة تجمعه مع رجل الأعمال أحمد أبو هشيمة، عبر حسابه الشخصي على موقع التواصل الإجتماعي إنستجرام، وعلق قائلا: اتشرفت جدا أني قابلت صديقي رجل الأعمال الناجح أحمد ابو هشيمة.. حقيقي الناس على السوشيال ميديا بتكون حاجة، ولما تقابل الشخص في الحقيقة بيكون حاجه تانية خالص.

حمو بيكا وابو هشيمة

وتحدث مغني المهرجانات حمو بيكا على احتفاله بعيد ميلاد زوجته شمس وانتشار فيديو له من هذا الحفل وهو يهديها عدد من المقتنيات الذهب الكبيرة.

وقال حمو بيكا في تصريحات تلفزيونية: الناس فاهمة إن الحياة كلها ذهب، زي ما قالوا إني عملت عربيتي بالذهب، أنا معايا كام علشان أكسي كل العربية بالذهب، ده ورق اسمه ورق عيار 24'.

وتابع: لو الناس فاهمة إن كل حاجة ذهب خليهم، وعايز أقول للناس سيبوا الملك للمالك، واسعد مراتك ولو بحاجة صغيرة، والسلسلة مش كيلو، كيلو الذهب بأكثر من مليون جنيه والمبلغ ده مش معايا.

زوجة حمو بيكا تسلمه ثروتها

واستكمل حمو بيكا حديثه، قائلا: عايز أقول للناس إن مراتي بنت ناس كويسين وأهلها مبسوطين، وجاية من عند أهلها عندها ذهبها وحاجتها، ومن قريب اديتني ورثها، أخذته منها واشتريت لها السلسلة بيه، وأصبحت ملكها'.

واختتم بيكا حديثه: مراتي شايفاني بصرف وقالت خدهم، ومفيش فرق بيني وبين مراتي في حاجة المهم تكون سعيدة، وهي بتطلب دايما حاجات أون لاين وخاربة بيتي، لكن أنا فرحان'.