حمو بيكا: لازم اللي يتكلم عن مصر يتحاسب قدام العالم

طالب حمو بيكا بفرض قانون يحاسب كل من يسيء إلى سمعة مصر، بسبب وصف الساحل الشمالي بالساحل الشرير، لارتفاع الأسعار هناك.

وتابع حمو بيكا في تصريحات تلفزيونية له: «في ناس بتسيء لصورة مصر بطريقة وحشة، أنا بنزل كل الدول ومش بنسمع حد بيقول حاجة على بلده عشان في قانون، والقانون ده لازم يتطبق على الناس اللي ملهاش أي عازة وبتسيء لمصر».

تصريحات حمو بيكا

وأضاف: «لازم اللي يتكلم عن مصر يتحاسب قدام العالم، عشان محدش يقول حاجة على مصر بعد كدة، وأنا بحب آجي الساحل الشمالي بصفة مستمرة خاصة في فصل الصيف».

واستكمل حمو بيكا قائلًا: «مدينة العلمين الجديدة حاجة جميلة وأشكر الرئيس السيسي على الإنجازات، وإحنا كنا بنسافر بره عشان نشوف الأبراج دلوقتي الأبراج عندنا في العلمين، ولدينا كل شيء في العلمين الجديدة وأصبحت مدينة متكاملة وليست مدينة للصيف فقط».

حمو بيكا

حمو بيكا  والساحل الشمالي

واختتم: «إحنا بندعي كل العالم إنهم ييجوا هنا، عندنا في مصر حياة جميلة، والأرقام اللي بيسمعوها عن الساحل الشمالي مش موجودة هنا خالص، أنا بقالي شهرين قاعد هنا كل العالم لازم ييجي مصر.. سيبكم من اللي بيقول أسعار 15 ألف و20 ألف مفيش الكلام ده، أنت ممكن تيجي بـ 1000 أو 500 جنيه تنبسط».

حمو بيكا