حمو بيكا يتمني عودته بالغناء في مصر: «سيبونا ناكل نعيش»

تحدث مغني المهرجانات حمو بيكا، عن اشتياقه الشديد لجمهوره في مصر، بعد أن أعلن إقامته في دبي .

وقال حمو بيكا خلال بث مباشر عبر صفحته بموقع التواصل الاجتماعي «فيس بوك»: «وحشوني صحابي، ووحشتني مصر، مش بقالي كتير بعيد عنها، بقالي شهر، بس الشهر ده كإنه 100 سنة عدت عليا، ومصر بخير وهتفضل بخير دايمًا».

وتحدث حمو بيكا عن رغبته في العمل في مصر، مضيفًا: «سيبوني أشتغل جوه مصر، أنا مش بحس بطعم النجاح غير في بلدي، ومش بحس إني ناجح غير فيها أنا هنا في دبي شغال وكل حاجة، بس عايز أشتغل في بلدي، وأنا الحمدلله عملت حفلات في دبي وتركيا وتونس وغيرها تكفيني سنة قدام، بس حابب أشتغل في بلدي».

وأضاف، «أنا زعلان إني متغرب بعيد عن مصر، ومش حابب أبقى تقيل على حد، مش بقول كده علشان عايز أغني في مصر، زعلان عشان حرمتوا جمهوري مني، وأنا عايز أشتغل في بلدي، ومش بعمل حاجة غلط».

وتابع، « مش زعلان، بس سيبوا الناس تاكل عيش، ربنا اللي بيقسم الأرزاق وبيسببها، ورزقي اتاخد مني، وجابهولي في حتة تانية، فيه نقابة وفيه رقابة هنا، بس محدش بيقولك إنك ممنوع، لما قدمت على الإقامة الذهبية هنا في دبي متقالش لأ، لأني مشهور وليا متابعين كتير، مفيش هنا ممنوع».

واستطرد حديثه: «سيبونا ناكل نعيش، الناس هنا شالتني من على الأرض شيل، بس بلدي وحشاني، صاحب الفندق إداني شهرين مجانا أقعد فيهم علشان بيحب حمو بيكا، دعوا الملك للمالك وسيبوا الناس في حالها، أنا مبسوط مش زعلان، لما أكون في وسط أهلي وناسي وعزوتي أكيد هبقى أحسن، ووحشتوني، ووحشني أصحابي ووالدتي» .

http://