حمو بيكا يعتذر لـ هاني شاكر : "أسف مكنش قصدي أزعلك .. أحنا عيالك يا أمير الغناء العربي" .. فيديو

أعتذر المطرب الشعبي حمو بيكا للفنان الكبير هاني شاكر نقيب الموسيقيين على ما قام به داخل مقر النقابة منذ أيام .

وقال حمو بيكا فى مقطع فيديو عبر حسابه الرسمي على فيسبوك " أنا بتأسفلك يا أستاذ هاني شاكر ، أنت أمير الغناء العربي ومكنش قصدي إني أزعلك خالص، كان كل هدفي إني آكل عيش، أنا معايا 20 فرد بياكلوا عيش ناس فاتحة بيوت وبيصرفوا على عائلاتهم انا اللي خلاني اتضايقت ونزلت الفيديو إني لفيت 8 ساعات، وشغلي كله وقف، وأنا اللي كنت عايز أعمله أني أمشي قانوني واعمل تصريح وانزل اشتغل ومكنش قصدي إني أزعلك "

وأضاف حمو بيكا " أنا بحبك وإحنا عيالك يا أستاذ هاني أنا كان كل هدفي إني صوتي يوصلك وقدام الناس كلها بقولك أنا اسف ليك ولو عايزني أجيلك وأطلع على الهواء اتأسفلك هطلع، أنا بقالي 6 شهور واقف عن العمل والناس اللي معايا مقدرش أمشيهم، إحنا نروح فين دى بلدنا وإحنا اخترنا فن الناس بتحبه وبتفرح بيه عمرنا ما ضايقنا حد، وقدمنا محتوى تانى وبقينا ناخد بالنا من الكلام، وبقيت بنقى الكلام الصح" .

واستكمل حمو بيكا : "فى شباب نفسها إنها تتجوز وتكون نفسها كان يهمنا إننا نشتغل بالحلال، وأنا تعبت وكافحت ، أبويا ربانى وطلعنى إنى مقولش لحد عايز حاجه، وبنيت المكان اللى بقيت فيه بعد سنين كتيرة" .