حمو بيكا يعلن خلافه مع عمر كمال : «لما تشوفني في حتة متسلمش عليا.. وخسارة العيش والملح اللي أكلتهم معاك»

هاجم مغني المهرجانات حمو بيكا، صديقه الفنان عمر كمال خلال فيديو نشره عبر حسابه بموقع الفيديوهات والصور «إنستجرام».

وقال بيكا خلال الفيديو: «من شهر عمر كمال جابلي شاعر، وقالي يلا نعمل أغنية قولتلوا تمام يلا، وعملنا الأغنية، والشاعر أخد حسابه، والأغنية متسجلة من فترة، وأقوله يلا يا عمر ننزلها، يرد فيه أغنية أنزلها أنا وشيماء مغربي الأول، قلت تمام، وشيرت أغنيته هو وشيماء عندي».

وأضاف حمو بيكا، «وصبرت حوالي 20 يوم وكلمته تاني، يلا يا عمر ننزل الأغنية، قال لما أرجع من السفر، وأتفاجئ أنه نزل أغنيه ليه مع حد من بره».

حمو بيكا يهاجم عمر كمال

وتابع بيكا: «قابلته في عيد ميلاد صديق لنا، قولت له يا عمر هرفع الأغنيه عليك بس تشيرها، وافق وبعدين اتصل عليه فوق الـ6 مرات وميردش، أنت لما ربنا عطاك بقيت تشوف نفسك على الناس، وأنا بقى مش الناس، أنا اول واحد يا عمر عملتلك أغنية، والناس سمعتك فيها».

واستطرد، «ادخلوا اسمعوا الأغنية أنا ونور التوت والشخصية التالتة دي انتوا عارفينها، وعايز أقولك يا ابني، عايزك تنجح لوحدك واشوف شغلك ومهاراتك، ولما تشوفني في حتة متسلمش عليا، وخسارة العيش والملح اللي أكلتهم معاك».

«مسرح إيه اللي وقعت عليه».. حمو بيكا يكشف حقيقة سقوطه أثناء الغناء.. فيديو

حمو بيكا لـ هاني شاكر: «استسمح حضرتك تقبل اعتذاري»

http://https://www.instagram.com/tv/CY958c0B882/?utm_medium=copy_link