حمو بيكا يهاجم حسن شاكوش : «أناني ومبتحبش غير نفسك.. وخليك محترم وكويس»

شن مغني المهرجانات حمو بيكا، هجومًا على مطرب آخر لم يذكر اسمه، بسبب تصريحاته الأخيرة بأنه احتل بمفرده قائمة أكثر 5 أغاني بحثا خلال عام 2020، دون ذكر اسم 'بيكا' رغم تواجده في القائمة بأغنيتين، ويرجع ذلك إلي الخلاف بينه وبين الفنان حسن شاكوش .

وقال بيكا، خلال بث مباشر عبر حسابه على 'إنستجرام': 'بدون ذكر أي أسماء، عام 2020 جرى البحث على محرك البحث جوجل، على 5 أغاني هي الأنجح، وهي (عود البطل، بنت الجيران، شمس المجرة، أنا بيكا ما لاف الفانس، هلا والله)، مينفعش تطلع تقول الأغاني من غير ما تقول مين اللي عملها، بلاش تنسب النجاح لنفسك بس'.

وأضاف،'لما تطلع تتكلم، تحدد النجاح مين اللي عمله معاك، إنت مبنتش نفسك بنفسك، وأنت ظاهر أمام الشعب المصري إنك أناني مبتحبش غير نفسك، وحابب إن انت تصنع النجومية لنفسك وبس، فكك من اللي انت بتعمله وخليك محترم وكويس'.

وتابع: 'أخونا عمر كمال لما سمع اللي اتقال قال إحنا نجحنا بدون تحديد أسماء، لكن اللي أنا شايفه إنك كلك على بعضك غلط، حياتك غلط، دنيتك كلها ماشية غلط في غلط، عايز تحقق نجاحك انت بس، فرجني يا فهلوي يا حلو واعمل كام تراك لوحدك، وشوف هتنجح ازاي'.

حمو بيكا يكشف عن أغنية جديدة مع عمر كمال: «هتكسر مصر»

حمو بيكا يتوسل لهاني شاكر: «واثق في طيبة قلبك وإنك مش هتقبل إني أتسجن»