حمو بيكا يوجه رسالة إلى طلاب الثانوية العامة: ما دخلتش مدارس بس حابب اللي حواليا يتعلموا

وجه مطرب المهرجانات الشعبية حمو بيكا رسالة إلى طلاب الثانوية العامة، تزامناً مع بدء الامتحانات .

ونشر حمو بيكا صورة له عبر حسابه الشخصي «فيس بوك»، وعلق عليها قائلاً، « هو أنا اه مش متعلم وأخدت (محو الأمية) بالعافية لكن ده مش حاجه تفرح ولا تقول (عندك بيكا اهو مش متعلم بس ناجح)، صدقوني و الله طعم النجاح مع العلم مختلف تماماً عن طعم النجاح من غير علم».

وأضاف، «العلم بيفرق في كل حاجه في الدنيا، كمية معاناة بشوفها يومياً بسبب اني مش متعلم كبيرة اوي مش بتمني حد منكم يشوفها أو يتعرض لها، العلم بيستر كتير أوي و بيخليك واعي و متفتح في كل مجالات الحياة».

وتابع، « هو اه الشارع علمني كتير، بس مش زي المدارس و الجامعات، حتي لو مش هتشتغل بشهادتك وحتي لو دخلت كلية مش بتحبها، بس يكفي انك متعلم و معاك شهادة تقدر تسد بيها عين الشمس».

وأنهي حديثه، « اتعلموا وخلوا بالكم من تعليمكم و شهداتكم لأنها هتفرق كتير اوي معاكوا و مع عيالكم بعد كده، انا اه مادخلتش مدارس و ماتعلمتش، بس حابب كل اللي حواليا ناجح و متعلم و اوعي يوم تقول اهو فلان ناجح بس مش متعلم ».

حمو بيكا يحيي حفلا غنائيا في دبي 4 يونيو المقبل

حمو بيكا يوجه رسالة لـ هاني شاكر: «مش بعرف أقرأ وأكتب بس ربنا خلقلي قلب أحس بيه»