حورية فرغلي بعد جدل خطوبتها : بعيش في كابوس ونزار الفارس كان مريب

علقت الفنانة حورية فرغلي على جدل خطوبتها من المذيع العراقي نزار الفارس، قائلة: «أنا نفسيًا مش كويسة، وحاسة أني عايشة في كابوس من أول امبارح».

تصريحات حورية فرغلي

أضافت حورية فرغلي في تصريحات تلفزيونية لها قائلة: «مش حاسة أني عايشة في دنيا.. حاسة أني في غابة، وده مذيع بقاله أسبوعين بيحاول يعمل معايا لقاء وقالي أنه عراقي».

وتابعت: «أنا كنت شفت لقائه مع رانيا يوسف مرة، قولتله أوك قولنا نصور في البيت وأنا قولت أوك وساكنة قدام نادي الجزيرة والمنظر حلو، وأنا قولت ده كله بيصوروا وضيف عندي في البيت».

حورية فرغلي وخطيبها

حورية فرغلي ونزار الفارس

وقالت الفنانة حورية فرغلي أيضًا: «أولاً الأسئلة اللي جاي يسألهالي إنا مستغربة أنه بيسألها تاني، وهو جاي عنده خطة معينة جاي مرتب لها، وبعد ما خلصنا سألني بتحبي ماجد المهندس وأنا قولتله عادي معرفوش أوي».

واستكملت: «فقالي هسمعك أغنية وطلب مني أتصور وأرقص معاه، وكل اللي حواليه بيلموا المعدات والكاميرات، ومعرفش مين بيصور، ومرضتش أكسفه ولكن قولتله مش هيبقى حلو أنا طويلة ولابسة كعب وهيبقى منظري مش حلو، ليه مكنتش صريح معايا؟ ازاي حد يقابل حد بعد خمس دقايق يقوله عايز تتجوزه؟».

أزمة حورية فرغلي

وقالت أيضًا: «هو عشان أنا عندي مشكلة في مناخيري يبقى غلبانة بقى ويحصل فيا كدا؟.. هو سألني وقالي أنتي متجوزة قلتله لأ أنا سنجل بقالي فترة كبيرة، ومش فاكرة الكلام ده كان جوه الحلقة ولا براها؟، وأكيد مش متفقة معاه على تريند يعني هو أنا اللي رحت له العراق؟؟».

واختتمت حورية فرغلي تعليقها على جدل خطوبتها قائلة: «واتفقت على اللقاء وبعدين أنا مش محتاجة، كان مريب وهو من أول ما دخل كان غريب وبيصور كتير، ومعنديش أي مشكلة الحلقة تنزل، عشان الناس هتعرف كده متفقة معاه ولا لأ».

حورية فرغلي وخطيبها

حورية فرغلي

حورية فرغلي تعلق من جديد على شائعات خطوبتها من نزار الفارس: استفزني

أول رد من نزار الفارس على نفي حورية فرغلي لخطبتها: قالتلي كبرت في السن ومحدش هيتجوزني

حورية فرغلي تنفي خطبتها من نزار الفارس: استغلني عشان التريند

من هو نزار الفارس خطيب حورية فرغلي ؟

خطوبة الفنانة حورية فرغلي والإعلامي نزار الفارس