حورية فرغلي تخرج عن صمتها: نزار الفارس عرض على المساعد بتاعي رشوة

ياسمين حمادة 30 مايو 2023 | 10:14 مساءً

أعربت الفنانة حورية فرغلي عن استيائها الشديد وأسفها للتعامل مع المذيع نزار الفارس ودخوله منزلها لإجراء لقاء تلفزيوني.

أزمة حورية فرغلي ونزار الفارس

قالت حورية فرغلي عن نزار الفارس في تصريحات تلفزيونية لها: «أنا آسفة وأنا غلطانة أني دخلته بيتي، وهو جاي عايز يعمل تريند».

واستكملت قائلة: «ده حتى كلم أشرف المساعد بتاعي وعرض عليه فلوس رشوة عشان يقول أننا اتخطبنا فعلا، هو بيحب حورية لدرجة الجنون يعني يا حرام».

حورية فرغلي

تصريحات الفنانة حورية فرغلي

وتابعت الفنانة حورية فرغلي حديثها قائلة: «أقعد أحلم أنك تتجوز حورية، يعني إزاي يقول اتخطبنا المفروض في فستان وأهل وورد وحضور، وأول مرة في حياتي أتعرض لحاجة كدا الشغل الأول كان بيخلي عندي كذا حاجة ومشغولة، لكن دلوقتي معنديش شغل، الأسئلة كانت أوفر».

واختتمت قائلة: «وسألني على فيلم كلمني شكرًا ومشاهدي الجريئة فيها عملتها غصب عني ولا بمزاجي، قولتله أستاذ خالد يوسف مبيخليش حد يعمل حاجة غصب عنه، وسألني عن عمري عملت عن المثلية الجنسية؟، فقولت أني أصلًا معملتش دور جنسية مثلية إلا مشهد دقيقة في فيلم كان مع الأستاذة ليلى علوي».