حورية فرغلي تكشف أسرارًا لأول مرة عن الراحل هيثم أحمد زكي: مات وهو بيحبني

حرصت الفنانة حورية فرغلي على الحديث عن الفنان الراحل هيثم أحمد زكي وكشفت عدد من الأسرار عنه.

حورية فرغلي تتحدث عن هيثم أحمد زكي

قالت حورية فرغلي في تصريحات إذاعية: 'قابلت هيثم عند أستاذ خالد يوسف لما كنا بنعمل فيلم كف القمر، وعرفت إن دوري هيكون معاه، أنا أكبر منه بـ 6 سنين'.

وتابعت: 'كنا أصحاب في الكواليس ويوم عيد ميلاده روحنا بيته كان بيت هادي جدا، كان وحيد، كان يطلب الأكل ويسيبه بالأيام من غير ما حد يساعده في توضيب البيت، أنا بقيت بعمل كده، أنا حبيته جدا في الأول مش حب راجل لست لكن في وقت ميلت ليه'.

تصريحات حورية فرغلي

واستكملت حورية فرغلي حديثها، قائلة: 'هيثم أحمد زكي كان غيور جدا، كنا بنصور مسلسل دوران شبرا، ووالدة الفنان هاني عادل توفيت، روحت أقدم ليه التعازي في نص اللوكيشن بتكلم معاه، راح هيثم جابني من شعري في وسط اللوكيشن وضربني وشتمني، وفي الآخر قالي يا طنط، أنا كل اللي قاله مأثرش فيا لكن كلمة 'طنط' دي كانت درس إني معرفش واحد أصغر مني ولو بيوم'.

واختتمت كلامها وقالت: 'أنا اتقالي والله أعلم دا حقيقي ولا لأ، أنه هيثم أتوفى وهو لسه بيحبني، لأنه حاول كتير إننا نرجع لكن كان الموضوع وصل لحته خطر'.