حورية فرغلي تكشف أسرار جديدة عن أصعب المواقف في حياتها

تحدثت الفنانة حورية فرغلي، عن أصعب المواقف التي مرت بها خلال حياتها وهو يوم تغسيل خالتها.

وقالت حورية فرغلي، في تصريحات تليفزيونية: خالتي كانت معايا أنا وأمي وقعدين بنتعشى، وفجأة وطت رأسها وأفتكرتها نامت، وبنصحيها مبتصحاش، جبنالها الدكتور قال ماتت، وربطوا راسها لفوق، لتاني يوم عشان كان يوم شم النسيم، والناس أجازة.

حورية فرغلي وتغسيل خالتها

وأوضحت فرغلي: تاني يوم المُغسلة جت الصبح، قالت لماما محتاجين حد من عندكم يكون معانا عشان الصيغة اللي لبساها، ماما قالت لي قومي غسلي خالتك عيب، بصيت لبنتها وقلت طب قومي أنتِ، أنا عمري ما شُفت حد ميت قبل كدة.

واستكملت: مشيت ورا المُغسلة، ومكنتش عارفة أنا خايفة ولا مرعوبة، شيلنا المخدة لقينا راسها أتخشبت لأن بقالها كتير متوفية، وبعد ما خرجت قعدت جمب جوز ماما، قالي برافوا يا ريريت، كدة أتغفر لك 50 كبيرة من الكبائر، قُلت له مش كنت أعملهم الاول، وزعلت من ماما جدًا بسبب الموقف ده.

وأضافت: بربي كلاب في بيتنا، وكانوا بيدخولوا معايا كل مكان في الشقة، لكن بعد وفاة خالتو عمرهم ما دخلوا الأوضة اللي خالتي توفت فيها، مدخلوهاش لمدة سنة، ودي كانت من أغرب الأشياء اللي لاحظتها من الكلاب، عمري ما خفت من الموت لكن بفكر في شكلي هبقا عاملة إزاي لما أموت، وأكون مكان خالتو.