حورية فرغلي تكشف حالتها الصحية: أي طفل هشوفه هعتبره ابني

كشفت الفنانة حورية فرغلي تطورا حالتها الصحية عقب عودتها إلى مصر، بعد خضوعها لعملية استئصال الرحم منذ أيام.

حورية فرغلي تتحدث عن حالتها الصحية

قالت حورية فرغلي في تصريحات تلفزيونية: 'أحب أطمنكم أنا رجعت من المستشفى ورجعت البيت وبقيت كويسة الحمدلله وشكرا لكل اللي سألوا عليا، شكرا لنجوم الزمن الجميل، صفاء أبو السعود كان نفسي أكون ضيفة في حلقاتك وصفية العمري وأشرف زكي وإلهام شاهين ومحمد رمضان ناس كتير أوي سألت عليه'.

وتابعت: 'أنا اتولدت برة وعيشت برة فطول عمري كنت محتاجة للحنان والحنية وده حسيته أخر أسبوع اما جالي ورم في الرحم، وأنا مش هيبقى عندي أي أطفال خلاص بس ولاد اخواتي هما هما ولادي وأي طفل هشوفه هعتبره ابني'.

واستكملت حورية فرغلي حديثها، وقالت: 'عايزة أقولكم تليفوني مبطلش رن من ناس معرفهاش، وكمية الدعاء والحب مخلتنيش مصدقة نفسي وده حصل في الغريب مش من القريب'.

وأضافت: 'لقيت 40 نفر دخلوا عليا من اللي ساكنين في العماير اللي حوليا بالشيكولاتة وغيره، الحاجات دي خلتني عايزة أقف على رجلي وهرجع أعمل أعمال تاني أحلى من الاول مش هتسمعوا عني أي حاجة وحشة تاني خالص'.

حورية فرغلي وعملية استئصال الرحم

تحدثت الفنانة حورية فرغلي، عن تفاصيل حالتها الصحية بعد استئصال الرحم واجراء عملية جراحية.

وقالت حورية فرغلي في تصريحات تليفزيونية، إنها استئصلت 7 أورام داخل الرحم، والطبيب أعطاها فرصة لمدة 10 سنوات للزواج، ومحاولة الإنجاب، وخلال عملية الإنجاب يستئصل الرحم في الوقت ذاته.

وأوضحت حورية فرغلي، أن الطبيب أرجع سبب استئصال الرحم يرجع إلى الكمية الكبيرة للأورام به، مشيرة إلى أن الشغل والفن أخذها عن ذلك، ولم ترتبط في هذه الفترة.

وأضافت، أنه بعد رجوعها من أبوظبي، وخلال زيارتها لأحد الأشخاص في المستشفى وجدت بنطالها كله نزيف، فطلب الطبيب منها الكشف،

ثم التوجه في اليوم التالي لإجراء عملية جراحية: «قالي لازم تعملي عملية الساعة 7 الصبح».

حورية فرغلي وخطوبتها من مسؤول إماراتي

حورية فرغلي روت كواليس خطوبتها من مسؤول إماراتي توفى قبل الزواج منها بساعات من حفل زفافها.

وقالت حورية في تصريحات تلفزيونية: «كنت هتجوز واحد مسؤول إماراتي بس مات، كان تاني يوم هيبقى الفرح لكن مات الساعة 6 الصبح، هو كان من العائلة المالكة».

وأضافت : «الناس قالوا إنه هو اللي اهداني الخيول، لكن كل ده بشغلي أنا كنت في الاتحاد هناك والخيل الغالية دي الاتحاد هو اللي بيشتري الخيل، في خيل بتاعتي وفي خيل بتاعة المنتخب».