حورية فرغلي : حجيت 7 مرات ولم أرتكب الكبائر.. العفاريت كانوا معايا في الشقة

تصدر اسم الفنانة حورية فرغلي التريند بمؤشر البحث الأشهر جوجل، ومواقع التواصل الاجتماعي المختلفة خلال الساعات الماضية بسبب تصريحاتها وأسرارها.

ردت حورية فرغلي على العديد من الشائعات التي تتعرض لها، ومنها خروجها مع حسن شاكوش في أحد شاليهات العين السخنة، معلقة: «حجيت 7 مرات ولم أرتكب الكبائر.. وأنا من المحترمات في الوسط الفني، ولم أذهب إلى العين السخنة طوال حياتي».

شائعات حورية فرغلي

وأوضحت أنها لا تعرف حسن شاكوش ولم تجمعهما الصدفة إطلاقًا، لكن تحمل رقم هاتفه، واتهامات زوجة شاكوش لم تكن لها بالمرة.

كما كشفت حورية فرغلي، مصدر الملايين التي تملكها قبل دخولها الوسط الفني، قائلة: «من شغلي وتعبي ونجاحاتي.. كنت البنت الوحيدة في الوطن العربي كله دخلت منافسة خيل، وكانت بتيجيلي جوائز كثيرة أحصنة ومادية».

واستكملت: «ووالدي ووالدتي حاولوا كتير يساعدوني بس أنا كنت برفض وكنت بقول لأ، أنا عايزة أعمل فلوسي بنفسي ومن قبل التمثيل وأنا مرتاحة وباخد جوائز وبطلة وطن عربي».

حورية فرغلي

تصريحات حورية فرغلي

وتحدثت الفنانة حورية فرغلي عن علاقتها بالعفاريت والجن، قائلة: «اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب واشتريت الشقة في 2013، وفي مرة كنت قاعدة في الشقة لقيت الشغالة داخلة عليّ بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت».

وأضافت: «وفي مرة تانية لقيت في الصالة بنت صغيرة قاعدة، ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي وكان فيه عفاريت معايا في الشقة ولا يؤذونني واقرأ سورة البقرة كل يوم جمعة وبشغل القرآن وهذا لا يضايقهم.. هؤلاء موجودين ولا يختفون رغم قراءة القرآن».

وعن أدوار الإغراء وتصنيفها كممثلة إغراء، قالت الفنانة حورية فرغلي: «أنا ماتحسبتش على ممثلات الإغراء في بدايتي وكان هو دور كلمني شكرًا وبعده عملت كف القمر وبعد كدة مع أستاذ جمال العدل عملت الشوارع الخلفية وسيدنا السيد ومنتقم وحكايات بنات وساحرة الجنوب وآخر حاجة عملتها أيام».

وقالت عن رأيها في الوسط الفني: «بحس إني غير مرغوب فيّ لما حصلت الحادثة، ومالوش أمان، وأنا شُفت أحسن حاجة وأوحش حاجة مفيش وسط، وأنا مقدرش أقول إن الوسط وحش، أنا بسمع لكن مشفتش أنا جوا الوسط لما بمثل قدام الكاميرا، والوحيدة اللي دخلت بيتها مدام لبلبة ودي هانم وحبيبة قلبي، والفنانة إلهام شاهين، ومنساش أبدًا إن في ظروفي الصحية مدام صفية العمري كلمتني ومدام لطيفة ومادلين طبر وميرفت أمين ودول عصر الهوانم، ولغاية النهاردة بيكلموني يسألوا عليا، واشتغلت مع مدام إلهام في فيلم في الأول خالص، وهي من الناس اللي قرّبت لها من الأول».

حورية فرغلي

حورية فرغلي ونزار الفارس

كما كشفت الفنانة حورية فرغلي حقيقة حصولها على 50 ألف جنيه، من أجل افتعال تريند خطوبتها على الإعلامي العراقي نزار الفارس.

ونفت هذه المعلومة، موضحة أنه عرض بالفعل مبالغ مالية على أحد مساعديها ليقول إن حورية فرغلي ارتبطت بنزار الفارس.

حورية فرغلي

حورية فرغلي