حورية فرغلي: من سنتين كنت عايزة أموت وعملت 27 عملية جراحية في 8 سنين

ياسمين حمادة 04 مارس 2023 | 11:11 مساءً

تحدثت الفنانة حورية فرغلي عن معاناتها مع العمليات الجراحية خلال 8 سنوات، قائلة: «عايزة ارتاح شوية من أوضة العمليات وحاسة التذوق والشم تحسنت نوعًا ما».

عمليات حورية فرغلي

قالت حورية فرغلي في تصريحات تلفزيونية لها: «عملت حولي 27 عملية في 8 سنين وحالتي الصحية حاليًا أحسن من السنين اللي فاتت ونفسيتي تحسنت».

وتابعت الفنانة حورية فرغلي قائلة: «من سنتين كنت عايزة أموت ووقتها كان فيه كورونا ومش عارفة أشم ولا أتذوق ولا أعيش حياتي والدكتور في أمريكا مش عارفة أسافر أعمل العملية والحمدلله جاتلي الفيزا وسافرت».

حورية فرغلي

تصريحات حورية فرغلي

واستكملت: «لما خدت لقب ملكة جمال مصر وأنا عندي 25 سنة كنت مهتمة بكل تفصيلة في شكلي ووشي وجسمي، لكن السنتين اللي فاتت خدت ثقة في نفسي رهيبة وبحمد ربنا واللي مش عاجبه حاجة فيا ميبصليش».

وأضافت حورية فرغلي: «أنا راضية حاليًا بشكلي وباللي أنا فيه ولا أهتم بتعليقات الناس، ولو فيه يوم من الأيام هيحصلي نصيب وارتبط هيحب الشخص حورية بطريقتها مش عشان شكلها بس».

حورية فرغلي عن تجربة المرض

علقت حورية فرغلي على تجربة المرض التي مرت بها قائلة: «طلعت منها متلخبطة شوية وجالي اكتئاب وفي منطقة سوداء، حاولت وقتها اتقرب من ربنا أصلي وأقرأ قرآن».

واعتذرت حورية فرغلي لشقيقها على الهواء، قائلة: «بعند مع أخويا الكبير رغم إني متأكدة إن كل كلامه صح وحصل موقف وحش وزعلان مني بقاله أسبوع، هو صديقي المقرب، وبتأسفله يارب نرجع صحاب تاني»

حورية فرغلي