خالد سليم يوجه رسالة خاصة لوالده الراحل في عيد الأب

حرص الفنان خالد سليم، على توجيه رسالة خاصة لوالده الراحل تزامنا مع الاحتفال بعيد الأب الذي يوافق يوم 21 يونيو من كل عام.

خالد سليم وعيد الأب

ونشر خالد سليم، صورا تجمعه بوالده، عبر حسابه الشخصي على موقع التواصل الاجتماعي انستجرام، وعلق قائلا:

حبيبي.. وحشتني أوي.. أنا عارف إن حضرتك حاسس بيا.. علشان كدة طول الوقت حاسس إنك معايا وفي ظهري وبتفرحلي وتدعيلي.. لما بخلص أي أغنية جديدة أو أي مسلسل.. بافضل مستني مكالمتك أو رسالتك اللي بتقولي فيها رأيك بالتفصيل.

رسالة خالد سليم لوالده

وأضاف خالد سليم في رسالته لوالده: ببقى عاوز أسمع الفرحة والفخر اللي في صوتك وحضرتك بتكلمني وضحكتك اللي دايما في وسط كلامك من كتر سعادتك .. بس مش بتكلمني.. كل عيد أب وأنت سعيد في الجنة إن شاء الله، الله يرحمك يا بابا و يحسن إليك، أرجوكم إدعوا له بالرحمة و المغفرة.. (الفاتحة).

احتفال خالد سليم بتخرج ابنة شقيقته

واحتفل خالد سليم، بتخرج نور ابنة شقيقته، وقال عبر حسابه بموقع إنستجرام: النهاردة .. كان يوم مميز جدا ليا .. إختلطت مشاعري بشكل غريب .. بشكل عمره ما حصلي في حياتي كلها.. رغم إني ممكن في ألبوم واحد أغني أكتر من حالة و مشاعري تكون مختلفة مع كل لحن .. أو إني أدخل في فيلم أو مسلسل و الشخصية يكون فيها إختلاف في المشاعر في كل مرحلة.

وتابع خالد سليم: الحقيقة النهاردة أنا عيشت ٤ ساعات مليانين سعادة و خوف و فخر و دموع و محبة و شجن .. حفلة تخرج بنتي الكبيرة نور .. كنت سعيد إنها وصلت للمرحلة دي بكل نجاح.

وأضاف: كنت خايف عليها طول ما أنا شايفها بتتحرك قدامي .. و فخور بيها و بمحبة الكل ليها و شخصيتها الحلوة .. و دموعي و المحبة و الشجن كانوا بسبب الحالة اللي كل الطلبة و المدرسين و العاملين في المدرسة كانوا فيها .. إن الدفعة دي هيمشوا و يسيبوا المدرسة و يبدأوا مرحلة جديدة، ألف مبروك يا نور على النجاح و التفوق و التخرج .. و اعرفي اني دايماً فخور بيكي .. يا حب عمري.