خالد عليش يوجه رسالة لابنته: «ربنا عالم انا قد ايه محتاج حضنك»

وجه المذيع خالد عليش، رسالة إلى ابنته، حيث نشر خالد عليش صورة لابنته عبر حسابه الشخصي بموقع تبادل الصور والفيديوهات «انستجرام».

وعلق خالد عليش علي الصورة قائلا، «ربنا عالم انا قد ايه محتاج حضنك في اوقات كتير ربنا يهدي الأمور و يجمعنا علي خير».

قبل أشهر قليلة، عادت أزمة الفنان خالد عليش وطليقته ميما الشامي للظهور مرة اخرى بعد ان قام عليش بنشر بوست عبر حسابه يهاجم طليقته التي قامت بالرد عليه .

أثار المذيع خالد عليش جدلاً واسعاً على السوشيال ميديا، بعدما نشر صورة تجمعه بابنته الوحيدة، معبراً عن حزنه الشديد بسبب عدم رؤيته لها منذ فترة .

وكتب خالد عبر حسابه الشخصي بموقع تبادل الصور والفيديوهات «انستجرام»، «في موقف حصل في أخر ٢٠١٥ عمري ما انساه كنت راكن عربيتي في مكان وكنت داخل مستشفي بخلص فيها ورق في مصر الجديدة خرجت لقيت الونش شال العربية وداها مكان تاني ودمر الكبوت من اودام وحك العربية من معظم الأماكن».

وأضاف، «كنت راجع البيت مش طايق نفسي حرفيا بس أول ما فتحت باب الشقة ميما بصلتي وهي صغنونة كده وابتسمتلي اول ابتسامة مباشرة ليا ف ضحكتلها انا كمان ونسيت كل اللي مضايقني اكتر حاجة مفتقدها هي الابتسامة البريئة ديه وحضنها الدافي بصوابعها الصغنونة قبل النوم ربنا يجمعني بيكي علي خير دايما ويوفقني في اي قرار يخصك».

خرجت ميما طليقة المذيع خالد عليش عن صمتها، وكتبت عبر حسابها بموقع تبادل الصور والفيديوهات «إنستجرام»، «بعد الطلاق الرسمي اتفقنا على رؤية البنت وكان بيشوفها بانتظام وبشهادة كل الناس وبشهادة المدرسة وفجأة في عيد ميلاد البنت عرفت ان في قضية مرفوعة من شهر 12».

وأضافت، «مكنش معايا أي محامي لأني تنازلت عن كل القواضي مقابل قضية جنائية كان رفعها عليا، وصلت لأنه بيتكلم مع أمهات أصحاب ميما في المدرسة وبلاقي ناس قاعدة بتتكلم معايا وعلي بنتي في أدق التفاصيل».

وتابعت، «أتمنى عدم الضغط عليا بسبب الصور في أي حاجة تخص ميما عاشن بلاش اضطر أرد، مش عايزة كل اللي معاه رقمي يدخلي يكلمني في خصوصية بنتي والموضوع دلوقتي في القضاء عشان مصلحة البنت».