خطيبة تامر حسني السابقة: قعدني من الشغل عشان مبيحبش المواعيد المتأخرة

كشفت خطيبة تامر حسني السابقة، الفنانة بسنت السبقي كواليس فترة خطوبتها من النجم تامر حسني وكيف تسبب في ابعادها عن عملها.

خطيبة تامر حسني السابقة تكشف كواليس لأول مرة

قالت خطيبة تامر حسني السابقة في تصريحات تلفزيونية: 'كنت مذيعة زمان وقدمت برامج سياسية، لكن مكملتش بسبب أني اتخطبت لتامر حسني'.

وتابعت بسنت حديثها، وقالت: 'كان رافض تماما أني اشتغل في الإعلام مبيحبش أن يكون في مواعيد متأخرة أو حد يضايقني أو يزعق لي ووافقت على رأيه ومكملتش في الشغل، كنت ساعتها صغيرة، لكن بعد انفصالنا رجعت تاني وودخلت مجال التمثيل وبالصدفة اشتغلت مع تامر في مسلسل آدم، واحنا الاتنين أصدقاء لحد دلوقتي'.

تامر حسني وأغنية هرمون السعادة

طرح المطرب تامر حسني أحدث أغانيه الجديدة التي تحمل اسم هرمون السعادة من فيلمه السينمائي الجديد تاج الذي ينافس من خلاله في موسم عيد الأضحى المبارك 2023.

أغنية هرمون السعادة من فيلم تاج، هي من كلمات الشاعر أحمد جابر، وألحان علي الخواجة، وتوزيع حاتم محسن.

وتقول كلمات أغنية هرمون السعادة من فيلم تاج:

مسيلي على الحبايب.. الحاضر واللي غايب

القعدة الليلة حلوة.. والسكر فيها دايب

كل الصحبة الجميلة.. متجمعين في ليلة

مش هنسيب حد يمشي.. لسه السهرة طويلة

ما تيلا بينا نعيش شوية ..لسه السنين الحلوة جاية

والحزن بح من النهاردة.. عايزين دلع في كل ثانية

أرجوك ده إحنا استوينا.. أرجوك ده إحنا اتهرينا

إيه يا عم الحظ مالك.. ما تحس شوية بينا

ويا هرمون السعادة.. اليوم ده ملوش إعادة

لو هتشربنا قهوة.. أرجوك ماتكونش سادة

تامر حسني وفيلم تاج

ويلعب تامر حسني بأحداث فيلم تاج شخصيتين شقيقين توأم وهما هارون وتاج، يمران بالعديد من الأزمات مع تتابع الأحداث التي تدور ضمن إطار كوميدي فانتازي.

فريق عمل فيلم تاج

فيلم تاج بطولة عدد من الفنانين دينا الشربيني وتامر حسني، بيومي فؤاد، هالة فاخر، وآخرين والعمل تأليف تامر حسني وإخراج سارة وفيق، وتدور أحداثه حول تيمة البطل الخارق سوبر هيرو.