خلتني أترعش.. طارق عبد الحليم يروى موقف لـ صفاء الطوخي معه في «ولاد ناس»

كشف المطرب طارق عبدالحليم،  كواليس مشهد المحكمة الذي قدمه في مسلسل «ولاد ناس»، ودور الفنانة صفاء الطوخي معه في هذا المشهد ووقوفها بجانبه.

وقال طارق عبدالحليم، ببرنامج بنت البلد المذاع على قناة صدى البلد تقديم الفنانة نشوى مصطفى: أنا محامي أساسا، ولم أمارس المهنة، وأنا خريج جامعة القاهرة، وروحت للأستاذ فريد النقراشي، وبحب أخد الشخصية اللي تخطفني، وهو قالي الموضوع سهل جدا وقرأ الورق وقولتله (لو أنا منفعش في الدور ده قولي عشان أعتذر، فقالي لا خالص احنا ننفع جدا).

وتابع طارق عبد الحليم: خد الورق واحفظه وتعالا اترافع فيه كمحامي انت ملكش دعوة ، وقالي شوية ملاحظات على النفس، وروحت المسلسل وقابلت الأستاذة صفاء الطوخي وهي أم جميلة وقامة وحاجة حلوة وقالتلي تعالا يا طارق نقول المشهد سوى، أنا معنديش حاجة وتعالا أراجع معاك عشان المشهد ده مهم جدا، وكانت في قمة الاحترام معايا.

وأضاف: قعدت معايا على جنب وقعدت تراجع الدور معايا، وتعلمني أقف فين، وأتحرك امتى، وهنا ترد على القاضي، وبعد أول كادر خدناه في التصوير كانت أول واحدة تصفق لي وخلت كل الناس تصقفلي في المشهد بتاع المحكمة قدام القاضي، وأنا اترعش لما شوفتها بصفق.. أنا بحكي المسلسل في مشهد المحكمة .

قصة فرح غنى طارق عبدالحليم فيه ببلاش

وقال طارق عبدالحليم: مرة روحت غنيت في فرح ببلاش ومكنتش قاصد اروح لهم ودخلت الفرح غلط، وكنت داخل احد الفنادق على النيل، والفندق فيه كذا قاعة،في عز الصيف والقاعات كلها شغالة، وكنا جايين من الشغل بنجري، ودخلوا القاعة اللي في وش الباب على طول وانا مكنتش فيها وكنت موجود في القاعة التانية.

وأضاف: الناس كانت فرحانة وبترقص والناس كانت فكراني جاي كادوه لحد من الفرح، ولقيت صاحب الفرح التاني اللي قاعته جنب القاعة اللي بغني فيها وقالي للدرجادي احنا قليلين عندك وجاي في ميعادنا وبتغني في الفرح اللي جنبنا، ولو حلفتله مش هيصدقني، وعملت 3 و4 أغاني ونزلت من على المسرح.

طارق عبدالحليم يطرح أغنية افتح الهاويس

كانت آخر أعمال طارق عبد الحليم أغنية على طريقة الفيديو كليب تحمل اسم افتح الهاويس وهى من كلمات حماده الزعيم، وألحان وتوزيع بلوكة، ومن إخراج حسام المهدي، وتم طرحها خلال أيام على موقع الفيديوهات يوتيوب.

طارق عبدالحليم يشارك في مسلسل أنا وهي

طارق عبد الحليم شارك في مسلسل أنا وهي بطولة أحمد حاتم، هنا الزاهد، أشرف عبد الباقي، محسن منصور، ميرهان حسين، عارفة عبد الرسول، تأليف مصطفى حمدى، وإخراج سامح عبد العزيز، وينتمى العمل لنوعية الـ 15 حلقة وتدور أحداثه في إطار رومانسي کومیدي.

طارق عبدالحليم يشارك في مسلسل أبو العروسة

الفنان طارق عبد الحليم شارك في الجزء الأول من مسلسل أبو العروسة بأغنيته الشهيرة الرحمة حلوة التي كتب كلماتها أحمد عبد الله، لحن وتوزيع خالد عز.

مسلسل أبو العروسة يكتبه ويخرجه هانى كمال، وشارك في بطولة الجزأين الأول والثاني سيد رجب، سوسن بدر، مدحت صالح، نرمين الفقي، رانيا فريد شوقي، خالد كمال، ميدو عادل، ولاء الشريف، محمود حجازي، أحمد صيام، صفاء الطوخي، محمد حاتم، أماني كمال، ديانا هشام، وكارولين عزمي، كوكى مجدى، نانسى صلاح، ندا عادل، وكتبهما هاني كمال، وأخرجهما كمال منصور.

طارق هاشم : المصري بدون مجلس إدارة منذ 10 أيام.. ونناشد وزير الرياضة بالتدخل

طارق العشرى يعلن الجهاز المعاون في فاركو

طارق عبد الحليم يروي موقفا كوميديا حدث معه بأحد الأفراح.. فيديو