دار الإفتاء تعلن قيمة زكاة الفطر 2024 بطريقة سهلة وباللغة العامية

كشفت دار الإفتاء المصرية تفاصيل قيمة زكاة الفطر 2024 بطريقة سهلة ولغة عامية بسيطة.

قيمة زكاة الفطر 2024

وعبر الصفحة الرسمية بمنصة التواصل الاجتماعي فيسبوك، علقت دار الإفتاء المصرية قائلة: «حسبناها على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر، بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا».

وتابعت دار الإفتاء: «طيب سعر أردب القمح كام السنة دي ٢٠٠٠ جنيه مصري من أحسن الأنواع، وأردب القمح فيه ١٥٠ كيلو

يبقى سعر الكيلو كام ١٣.٣٣ ثلاثة عشر جنيه وثلاثة وثلاثون قرشًا تقريبًا، طيب والزكاة أد ايه في القمح ( ٢.٠٤ كيلو)، يبقى نضرب ٢.٠٤كيلو * ١٣.٣٣، يطلع الناتج ٢٧.١٩ جنيه مصري».

الحد الأدنى لزكاة الفطر 2024

وقالت دار الإفتاء المصرية إن ٣٥ جنيها زيادة عن الحد الأدنى و٣٥ جنيه الحد الأدنى (يعني طلع أكتر من ٣٥ جنيه لو معاك ودخلك يسمح لك)، منوهة: اللى مش هيقدر فأقل حاجه يطلعها عن الفرد ٣٥ جنيه، واللي شايف إن ٣٥ جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٥ جنيه ولا تلزم غيرك يطلع زيك لأن ممكن يكون غير قادر.

واختتمت دار الإفتاء: كمان تقدر تطلعها فلوس لا تشتر بها شيء؛ لأن بعض الناس مفكره إن ناخد الفلوس نشتري بها أرز مثلا

لأ طلعها فلوس وربنا يتقبل منك، وكمان يجوز إخراجها من أول رمضان لحد قبل صلاة العيد، ولو ما عرفتش فلا مانع إنك تطلعها يوم العيد لحد غروب الشمس ودا على مذهب الشافعية ومن وافقهم.