داليا البحيري تتعلم الرقص من أجل مسرحية سيدتي أنا (صور وفيديو)

إسماعيل هاني 22 مايو 2023 | 02:30 صباحاً

ظهرت الفنانة داليا البحيري عن صور وفيديو من كواليس تعلمها الرقص الاستعراضي من أجل مسرحيتها الجديدة سيدتي أنا التي تستعد لخوض بطولتها خلال الايام المقبلة.

داليا البحيري وتعلم الرقص

ونشر داليا البحيري الصور والفيديو عبر حسابها الشخص على موقع التواصل الاجتماعي انستجرام،وعلق قائلا:

ده بقي حبيب قلبي المحترم الشاطر قوي الموهوب قوي مصطفى حجاج، أجمد مصمم استعراضات في مصر وقريب باذن الله في الشرق الأوسط ، غير إنه چان وفنان وبطل مسرحيات استعراضية كتير دمه خفيف وبجد بجد بحس انه اخويا.

رسالة داليا البحيري لـ محسن رزق

وأضافت داليا البحيري: محسن رزق دائما يقول عليه إبنه من كتر حبه فيه.. مبسوطة إن عندنا ناس بالإحتراف ده في مصر.. ربنا يوفقك يا مصطفي وأشوفك أحسن الناس وميرسي جدا علي تعبك معايا بحبك يا صاحبي.

View this post on Instagram

A post shared by Didi Mahmoud (@daliaelbeheri)

وكانت داليا البحيري قالت عن مسرحية سيدتي أنا في وقت سابق: أنا لما بدأت پروڤات مسرحية سيدتي أنا من ٨ شهور كنت عايزة أعمل تجربة مسرح مختلفة فيها رقص وغنا وتمثيل وفيها تمرين لأدواتي كممثلة.. وبعد شوية ولما الشغل ابتدا يبان خفت.. خفت قوي وحسيت اني مش حأقدر علي المجهود ده وبقيت أقوم من النوم خايفة ومخضوضة حأعمل ايه ؟! يمكن مش حأقدر.

داليا البحيري ومسرحية سيدتي أنا

داليا البحيري تابعت: طب أعتذر؟! بس دعيت ربنا يقويني ويكون جنبي.. لسه مرعوبة من فكرة بذل المجهود البدني والذهني دة كل يوم .. بس بقول ربنا مش بيضيع تعب حد أبداً.. متشكرة يا محسن يا رزق.

وأوضحت خلال حديثها عن مسرحية سيدتي أنا: أنا بس عايزة أقولك انك مش واخد حقك على كل المستويات.. انت مخرح معجون موهبة مش بس مخرج متمكن جدا من أدواتك المسرحية كلها من ديكور لمزيكا لاستعراضات لإضاءةلصوت لإيقاع لإحساس لإدارة ممثل …لا انت كمان ممثل شاطر قوي وحساس جدا وعندك ضمير في كل حاجة بتعملها، ميزانك من الماظ.

وأضافت داليا: فاهم يعني ايه ايقاع وتمپو وپاور وإحساس واهم حاجة إن نمرة واحد عندك هو الجمهور .. واحترامك ليهم طول الوقت هو هدفك الأوحد، أنا حقيقي بتعلم منك كل يوم ..شكرا علي تعبك معانا كلنا وعلي صبرك عليا وانسانيتك مع كل الناس من الصغير للكبير.