داليا البحيري تزامنا مع عرض سيدتي أنا: نوعدكم بوقت ممتع

إسماعيل هاني 25 مايو 2023 | 07:40 مساءً

روجت الفنانة داليا البحيري لمسرحيتها الجديدة سيدتي أنا التي تنطلق أولى عروضها اليوم الخميس 25 مايو على خشبة المسرح القومي على مدار الاسبوع في تمام الساعة التاسعة مساء.

داليا البحيري وانطلاق سيدتي أنا

ونشرت داليا البحيري، بوستر مسرحيتها الجديدة سيدتي أنا، عبر حسابها الشخصي على موقع التواصل الاجتماعي انستجرام، وعلقت: ابتداء من اليوم الخميس ٢٥ مايو علي خشبة المسرح القومي يرفع الستار في تمام الساعة التاسعة مساءًا في انتظار تشريفكم لينا، نوعدكم بوقت ممتع باذن الله.

داليا البحيري قالت عن مسرحية سيدتي أنا: لما بدأت پروڤات مسرحية سيدتي أنا من ٨ شهور كنت عايزة أعمل تجربة مسرح مختلفة فيها رقص وغنا وتمثيل وفيها تمرين لأدواتي كممثلة.. وبعد شوية ولما الشغل ابتدا يبان خفت.. خفت قوي وحسيت اني مش حأقدر علي المجهود ده وبقيت أقوم من النوم خايفة ومخضوضة حأعمل ايه ؟! يمكن مش حأقدر.

مسرحية سيدتي أنا بطولة داليا البحيري

وتابعت داليا: طب أعتذر؟! بس دعيت ربنا يقويني ويكون جنبي.. لسه مرعوبة من فكرة بذل المجهود البدني والذهني دة كل يوم .. بس بقول ربنا مش بيضيع تعب حد أبداً.. متشكرة يا محسن يا رزق.

واستكملت داليا البحيري حديثها عن مسرحية سيدتي أنا، قائلة: أنا بس عايزة أقولك انك مش واخد حقك على كل المستويات.. انت مخرح معجون موهبة مش بس مخرج متمكن جدا من أدواتك المسرحية كلها من ديكور لمزيكا لاستعراضات لإضاءةلصوت لإيقاع لإحساس لإدارة ممثل …لا انت كمان ممثل شاطر قوي وحساس جدا وعندك ضمير في كل حاجة بتعملها، ميزانك من الماظ.

داليا البحيري ورسالتها للمخرج محسن رزق

وأضافت: فاهم يعني ايه ايقاع وتمپو وپاور وإحساس وأهم حاجة إن نمرة واحد عندك هو الجمهور .. واحترامك ليهم طول الوقت هو هدفك الأوحد، أنا حقيقي بتعلم منك كل يوم ..شكرا علي تعبك معانا كلنا وعلي صبرك عليا وانسانيتك مع كل الناس من الصغير للكبير.