داليا البحيري تكشف تفاصيل إصابة زوجها بفيروس كورونا

أعلنت الفنانة داليا البحيري، عن إصابة زوجها بفيروس كورونا المستجد -كوفيد 19-، بعدما خضع للتحاليل التي أثبتت إيجابية إصابته بالفيروس.

وكتبت البحيري، عبر حسابها الشخصي على موقع التواصل الاجتماعي «فيسبوك»: ''أوك...أنا حبدأ بألف حمد وشكر ليك يارب؛ لأن أنا عارفة ومتأكدة إن احنا عملنا اللي علينا وزيادة... حافظنا وقاعدنا في البيت، وعقمنا وطهرنا، وشجبنا اللي نزل انطلق واتفسَّح... وأنا والحمد لله راضية جدا بقضاء ربنا- سبحانه وتعالى-... حسن جوزي وحبيبي طلع إيجابي كورونا ڤايروس...ربنا يشفيه ويعافيه يارب'.

وأضافت: 'احنا كلنا عملنا مسحات... أنا والأولاد، واللي بيساعدونا في البيت؛ عشان نطمن؛ لأننا كنا مخالطين لحسن... وبإذن الله نعرف النتيجة بكرا بليل... وربنا يجيب العواقب سليمة يار'.

وأكملت: 'أنا بقول الكلام ده ليه؟؛ عشان أي حد لازم يعمل كده، لازم يقول، وبكل وضوح؛ عشان الناس اللي كانت مخالطة ليهم يعرفوا، ويطمنوا على نفسهم... لأن دي أمانة... والمرض مش حاجة الواحد يخجل منها... بشكر كل اللي اتكلم يطمن على حسن وعلينا، وآسفة إن احنا مش ملاحقين نرد؛ عشان متكركبين، وبنشوف حنعمل إيه... دعواتكم لحسن بالشفاء العاجل، ودعواتكم لينا إننا نكون بخير، ألف شكر، وربنا يسلمكم جميعا، ويحفظكم من كل شر'.