داليا البحيري عن فريد النقراشي: أستاذ تمثيل قد الدنيا.. وبحس بالأمان وأنا قدامه

حرصت الفنانة داليا البحيري، على توجيه رسالة للفنان فريد النقراشي، مشيدة بأداءه في المسرحية التي تجمع بينهما سيدتي أنا.

داليا البحيري تتحدث عن فريد النقراشي

ونشرت داليا البحيري صورة تجمعه مع فريد النقراشي، عبر حسابها على إنستجرام، وعلقت قائلة: «طبعا أبويا في الرواية انما هو صغير في السن وكبير جدا في المقام واستاذ تمثيل قد الدنيا.. ساعدني في الدور كتير بس الأهم هي طاقته الفظيعة على خشبة المسرح اللي بستمد منها طاقة وپاور غير احساس كبير جدا بالأمان وأنا قدامه».

وأضافت: «وما أدراك ما أهمية هذا الإحساس بين الزملا خصوصا في المسرح، شكرا يا فيرو انت عظيم وعامل دور فيه كل حاجة بتضحك وتبكي وتغني وأنا حقيقي متشرفة ان إنت أبويا في الرواية.. بحبك يا فيرو».

داليا البحيري ومسرحية سيدتي أنا

وكانت داليا البحيري كتبت تدوينة عبر حسابها على إنستجرام متحدثة عن المسرحية: أنا لما بدأت پروڤات مسرحية سيدتي أنا من ٨ شهور كنت عايزة أعمل تجربة مسرح مختلفة فيها رقص وغنا وتمثيل وفيها تمرين لأدواتي كممثلة.. وبعد شوية ولما الشغل ابتدا يبان خفت.. خفت قوي وحسيت اني مش حأقدر علي المجهود ده وبقيت أقوم من النوم خايفة ومخضوضة حأعمل ايه ؟! يمكن مش حأقدر.

داليا البحيري تابعت حدجيثها عن المسرحية: طب أعتذر؟! بس دعيت ربنا يقويني ويكون جنبي.. لسه مرعوبة من فكرة بذل المجهود البدني والذهني دة كل يوم .. بس بقول ربنا مش بيضيع تعب حد أبداً.. متشكرة يا محسن يا رزق.

داليا البحيري تتحدث عن المخرج محسن رزق

البحيري أوضحت في تصريحاتها: أنا بس عايزة أقولك انك مش واخد حقك على كل المستويات.. انت مخرح معجون موهبة مش بس مخرج متمكن جدا من أدواتك المسرحية كلها من ديكور لمزيكا لاستعراضات لإضاءةلصوت لإيقاع لإحساس لإدارة ممثل …لا انت كمان ممثل شاطر قوي وحساس جدا وعندك ضمير في كل حاجة بتعملها، ميزانك من الماظ.

استكملت: فاهم يعني ايه ايقاع وتمپو وپاور وإحساس واهم حاجة إن نمرة واحد عندك هو الجمهور… واحترامك ليهم طول الوقت هو هدفك الأوحد…أنا حقيقي بتعلم منك كل يوم ..شكرا علي تعبك معانا كلنا وعلي صبرك عليا وانسانيتك مع كل الناس من الصغير للكبير.

داليا البحيري أضافت: أخي وصديقي محسن رزق انت في حتة تانية.. الصورة دي من كواليس تصوير الأفيش استاذ محسن رزق بيدينا أداء حتي في صور الأفيش.

داليا البحيري تكشف مفاجأة عن الجزء الثاني من فيلم حريم كريم| خاص

داليا البحيري عن مسرحية سيدتي أنا: فكرت أعتذر وبقيت أقوم من النوم مخضوضة

زوج داليا البحيري يدعمها قبل انطلاق مسرحية سيدتي أنا : اسم على مسمى