داليا البحيري عن مسرحية سيدتي أنا: فكرت أعتذر وبقيت أقوم من النوم مخضوضة

كشفت الفنانة داليا البحيري عن كواليس تصوير تجربتها المسرحية الجديدة سيدتي أنا التي تستعد لتقديمها على خشبة المسرح.

داليا البحيري وكواليس مسرحية سيدتي أنا

ونشرت داليا البحيري، صورة لها من كواليس المسرحية، عبر حسابه الشخصي على موقع التواصل الإجتماعي إنستجرام، وعلقت قائلة: أنا لما بدأت پروڤات مسرحية سيدتي أنا من ٨ شهور كنت عايزة أعمل تجربة مسرح مختلفة فيها رقص وغنا وتمثيل وفيها تمرين لأدواتي كممثلة.. وبعد شوية ولما الشغل ابتدا يبان خفت.. خفت قوي وحسيت اني مش حأقدر علي المجهود ده وبقيت أقوم من النوم خايفة ومخضوضة حأعمل ايه ؟! يمكن مش حأقدر.

وتابعت داليا البحيري: طب أعتذر؟! بس دعيت ربنا يقويني ويكون جنبي.. لسه مرعوبة من فكرة بذل المجهود البدني والذهني دة كل يوم .. بس بقول ربنا مش بيضيع تعب حد أبداً.. متشكرة يا محسن يا رزق.

داليا البحيري تشيد بالمخرج محسن رزق

واستكملت البحيري: أنا بس عايزة أقولك انك مش واخد حقك على كل المستويات.. انت مخرح معجون موهبة مش بس مخرج متمكن جدا من أدواتك المسرحية كلها من ديكور لمزيكا لاستعراضات لإضاءةلصوت لإيقاع لإحساس لإدارة ممثل …لا انت كمان ممثل شاطر قوي وحساس جدا وعندك ضمير في كل حاجة بتعملها، ميزانك من الماظ.

وأوضحت داليا: فاهم يعني ايه ايقاع وتمپو وپاور وإحساس واهم حاجة إن نمرة واحد عندك هو الجمهور… واحترامك ليهم طول الوقت هو هدفك الأوحد…أنا حقيقي بتعلم منك كل يوم ..شكرا علي تعبك معانا كلنا وعلي صبرك عليا وانسانيتك مع كل الناس من الصغير للكبير.

داليا البحيري ومسرحية سيدتي أنا

وأضافت داليا البحيري: أخي وصديقي محسن رزق انت في حتة تانية.. الصورة دي من كواليس تصوير الأفيش استاذ محسن رزق بيدينا أداء حتي في صور الأفيش.

داليا البحيري تكشف مفاجأة عن الجزء الثاني من فيلم حريم كريم| خاص

داليا البحيري عن وفاة مصطفى درويش: تذكرة للي بيشغلوا الممثلين فوق طاقتهم

زوج داليا البحيري يدعمها قبل انطلاق مسرحية سيدتي أنا : اسم على مسمى