درة في أبو ظبي بإطلالة يقترب سعرها من 11 ألف جنيه

تتواجد النجمة درة في أبو ظبي بالامارات العربية المتحدة، حيث تقضي إجازتها هناك.

درة في الإمارات

نشرت درة عبر حسابها بموقع إنستجرام عددًا من الصور لها خلال زيارتها للإمارات، وتلقت الكثير من التعليقات على إطلالتها.

 

View this post on Instagram

 

A post shared by DORRA درة. (@dorra_zarrouk)

سعر إطلالة درة

ارتدت درة إطلالة من تصميم Fendi، وكان سعر التوب وهو باللون الرمادي 4900 جنيه، كما ارتدت درة تنورة بنفس اللون وسعرها 5725 جنيه، أما الحقيبة كان سعرها 144 ألف جنيه.

تصريحات درة

ردت الفنانة درة على اتهامها بالغرور والانتقادات التي تتعرض لها لهذا السبب، معلقة: «مش كل الناس عندها نفس الانطباع عني، وأنا أبعد ما يكون عن الغرور».

قالت درة في تصريحات تلفزيونية لها: «بالعكس ساعات ببقى نفسي أكون مغرورة لما أحتاج أكون واثقة في نفسي أكثر، وخجلي في التجمعات بيتم تفسيره بعكسه وبالغرور، لكن أنا في حالي وبتكسف شوية، أي حدي يعرفني في الحقيقة ويقرب مني بيقول إنت شخصيتك غير كده».

وتحدثت عن رأيها في الزواج، قائلة: «الجواز مينفعش يكون هدف حياة البنت ولو معملتش دا يبقى محققتش حاجة، بالعكس ممكن السنجل تكون مبسوطة وأنا عملت أغنية من زمان مع أبلة فاهيتا عشان أقول كدا، ومش لازم البنت تتجوز عشان تفرحوا بيها».

درة تتحدث عن الزواج

واستكملت: «ممكن تفرحوا بنجاحها ودراستها، وأنا مكنتش رافضة الزواج أبدًا، ولكني شخصية مترددة في كل شيء حتى في شغلي كمان حتى بعد ما آخد القرار ممكن أغير رأيي».

وتابعت الفنانة درة حديثها قائلة: «أنا بيحصلي حاجات كتير ومعرفش سببها يمكن قدر مش شرط حسد، وأنا معنديش كل حاجة عشان أتحسد وزي كل الناس مفيش سبب يخلي حد يحسدني، وأنا نفسي أثق في نفسي أكتر ولكن الناس بتفتكر إني مغرورة، ودا سببه إني بتكسف وفي حالي أنا خجولة جدًا وعمري ما بشتم ولا بضرب ولا باخد حقي وبيكون نفسي آخد حقي لأني أكيد هقدر، وبقول لكل اللي بيهاجمونا على السوشيال ميديا وبيستحلوا الكلام عننا إن الفنانين مش بيردوا لأنهم بيترفعوا عن الجدال وبيتجاهلوا إنما مش معناه إنهم مش عارفين يردوا».

نصائح درة للفتيات

وقدمت درة نصائح للفتيات، قائلة: «أولاً لازم تبقي متابعة جيدة للموضة وتختاري الموضة اللي تناسبك أنتي، مش نقلد أي حاجة بتطلع ترند وخلاص لازم الحاجة تناسبك والحاجة التانية لازم أكون عارفة معنى تنسيق الملابس مش كل حاجة تنفع تبقى مع بعضها والحاجة الثالثة إنك تلبسي اللبس المناسب في المكان المناسب».

وتحدثت عن علاقاتها مع نجوم الفن مثل الفنانة دنيا سمير غانم التي أطلقت عليها لقب دوريتس، مضيفة: «علشان دنيا دودو ودلال عبد العزيز كان اسمها ديدي فلازم أما كنت معاهم يكون اسمي مختلف، أما تامر حسني يمكن مش كل الناس تعرف عنه خفة دمه بعيد عن الشغل، الناس كلها عارفة موهبته كفنان، وبحس براحة في الشغل معاه».