دنيا سامي ترد على الجدل حول تصريحاتها عن مصطفى غريب: اللي بينا هزار صحاب ومفيش عقد

خرجت الفنانة دنيا سامي عن صمتها بعد تداول مقاطع من لقائها الأخير مع الإعلامية إسعاد يونس، والتي تحدثت فيه عن علاقتها بزميلها الفنان مصطفى غريب.

وقالت خلال اللقاء إنه كان يصفها بأنها 'أوحش بنت شافها' وإنه يرى أنها 'ولد'، إلى جانب مواقف أخرى قالتها مازحة، منها أنه إذا توفيت والدة إحدى صديقاته يشغل لها أغنية عن الأم.

وتسببت هذه التصريحات في حالة من الجدل على مواقع التواصل الاجتماعي، وانهالت التعليقات الغاضبة تجاه مصطفى غريب، متهمة إياه بالتنمر.

وفي أول رد فعل لها على هذا الجدل، نشرت دنيا سامي عبر حسابها الرسمي على منصات التواصل توضيحًا، أكدت فيه أنها لم تكن تقصد أي إساءة، وأن ما قالته كان في إطار المزاح لا أكثر، مؤكدة على قوة صداقتها بمصطفى غريب، وكتبت: 'بالنسبة للبوستات المنتشرة اللي مشيرة لحلقتي مع الأستاذة إسعاد يونس واللي أنا بقول فيها إن مصطفى غريب بيتريق عليا وبيقول عليا وحشة وده طبعاً جاب له الشتيمة، أولاً شكرًا على دفاعكم عني، بس أنا أصلاً مش زعلانة، أنا ومصطفى صحاب ودُفعة واحدة، واتمرمطنا زي بعض، وكنت بحكي ده بهزار، لأني عارفة إني قمر'.

وأضافت: 'مصطفى غريب ده من أقرب وأجدع وأطيب بني آدم في حياتي، وفي حياة كل صحابه، ولو قعدت أتكلم عليه من هنا لمية سنة مش هيكفي، والله العظيم هو ضهري في الحياة'.

وتابعت دنيا سامي: 'اللي أنا قلته في البرنامج ده هزار بين أي شلة صحاب، وأنا معنديش عقد، ومش حتى عندي عقد ومش عارفة، ومش عندي عقد هتظهر بعد كده، هو بجد مفيش حاجة... ولو كملتوا باقي الحلقة مع أستاذة إسعاد هتعرفوا إننا مسكناه تريقة وتقطيع أكتر من اللي هو بيهزر فيه معايا'.

وأنهت حديثها برسالة واضحة لجمهورها: 'لو سمحتوا محدش في الدنيا يشتم مصطفى غريب غيري'.

يُذكر أن دنيا سامي ومصطفى غريب من خريجي نفس الدفعة في معهد الفنون المسرحية، وجمعتهما تجارب فنية سابقة، ويعرف عنهما علاقة الصداقة القوية داخل الوسط الفني وخارجه.