دنيا سمير غانم توجه رسالة لزوجها وابنتها: رامي رضوان بيدعمني ونجمتي الصغيرة أبهرتني

ياسمين حمادة 22 ابريل 2023 | 09:21 مساءً

وجهت الفنانة دنيا سمير غانم رسالة شكر وتقدير لزوجها الإعلامي رامي رضوان وابنتها كايلا رامي رضوان، بجانب باقي أبطال وصناع مسلسل جت سليمة، الذي نافست به ضمن موسم دراما رمضان 2023.

دنيا سمير غانم وزوجها وابنتها

كتبت دنيا سمير غانم عبر حسابها الرسمي بموقع انستجرام: «شكرًا لـ جوزي وحبيبي رامي رضوان اللي دايمًا بيدعمني وبيفرح لنجاحي.. وأخيرًا بقى شكرًا لروح قلبي وحياتي نجمتي الصغننة اللي نورتني وأبهرتني أنا شخصيًا ما شاء الله

ربنا يحفظك يا قلبي ويكتبلك الخير والسعادة أنت وكل أطفالنا ويا رب مستقبلكم يكون منور و حظكم أحسن مننا يا رب».

وقالت في رسالتها لأبطال مسلسل جت سليمة: «شكرًا محمد سلام اللي فعلا بستمتع وأنا بمثل معاه لأن تمثيله و إفيهاته و إحساسه out of the box وأعتقد بيبان عليا كل مرة بنشتغل مع بعض.. شكرًا أستاذ خالد الصاوي الجامد أكتر ممثل عنده ضمير في الدنيا و تفاني في العمل غير طبيعي.. أنا فعلًا بتفرج عليك وبتعلم وبسرح في أدائك العبقري اللي فيه الجد ممزوج بالهزار بدرجة مظبوطة جدًا».

دنيا سمير غانم وابنتها

دنيا سمير غانم وأبطال مسلسل جت سليمة

واستكملت: «شكرًا أ سامي مغاوري الفنان القدير السهل الممتنع اللي وجوده بيضيف إضافة غير طبيعية ربنا يديك الصحة.. شكرًا أستاذة هالة فاخر الراقية، قدمت شخصية بإبهار شديد و بتميز كل مشهد ليكي بيحسسني بسعادة ك مشاهدة من قبل حتي ما تتكلمي.. شكرًا محمد ثروت.. أنت عملت الشخصية بطريقة جديدة و بخفة دم فظيعة كالعادة.. شكرًا للقديرة المتمكنة جدًا سلوي خطاب، نورتينا و وصلتي رسالة عظيمة من خلال إتقانك لشخصيتك و استحملتي الميك أب الصعب ده لعدد ساعات طويل جدًا في سبيل إنك تعملي الشخصية كويس».

وأضافت الفنانة دنيا سمير غانم قائلة: «شكرًا للقديرة سلوى محمد علي.. أدائك لـ أم العريف غير متوقع و مش كليشيه تمامًا، أول مرة أحس إن الساحرة أو ال witch قريبة مننا كده وإنسانة عادية لكن عندها قدرات و شر و في نفس الوقت هزار

حقيقي أمتعتينا.. شكرا للجميلة رحاب الجمل كنتي لذيذة جدًا بجد وأنا سعيدة اوي اني اشتغلت معاكي لإني من معجبينك.. شكرًا مايان السيد الموهوبه جدًا البسكوتة المجتهدة اللي تدخل القلب في ثواني، عندك قبول فظيع ما شاء الله و ذكاء في التمثيل بيخليكي مميزة جدًا وأنا شخصيًا حبيتك أكتر لما اشتغلت معاكي ربنا يوفقك يا حبيبتي».

دنيا سمير غانم مسلسل جت سليمة