دياب: شخصيتي في تحت الوصاية مش شرير لكن نرجسي.. وماشفتش أصدق من منى زكي

ياسمين حمادة 18 ابريل 2023 | 05:36 مساءً

أعرب الفنان دياب عن سعادته بالمشاركة في بطولة مسلسل تحت الوصاية، وتقديم شخصية صالح، التي وصفها الجمهور بالشرير لكنه لا يراها كذلك.

تصريحات دياب

قال دياب في تصريحات إذاعية، إن شخصية صالح رمادية، ولا يحترف الشر بشكل واضح، لكنه يحاول توفير مصدر دخل ليتزوج حبيبته، مضيفًا: «صالح مش ماهر في صنعة أبوه فا مش هتدخل له الدخل اللي يخليه يتجوز البنت اللي بيحبها».

وتابع عن شخصيته في مسلسل تحت الوصاية قائلًا: «عنده نرجسية وذكورية اللي موجودة عند أغلب الشريحة دي من الناس والمركب دي حلم حياته».

دياب

دياب ومنى زكي

وأعرب عن سعادته بالتعاون مع الفنانة منى زكي، قائلًا: «أنا بقالي 9 سنين بمثل ماشفتش في حياتي أصدق من مني زكي ولا حد محترف زيها ولا في تعاملها مع زمايلها واحترامها لمهنتها ربنا يحميها ويحفظها ويخليهالنا، وعلي الطيب فنان وموهبة عظيمة وربنا يحميه ويستحق أكتر من كده بكتير».

وقال دياب أيضًا: «نهى عابدين صادقة جدًا ومحترفة وكل الناس عاملة شغل عظيم وده يبين إنه المخرج شاطر أوي، والمخرج محمد شاكر خضير طلع أصدق ما في المواهب دي كلها وأجمل ما فيهم هو ماسبش حد ومطلعنا كلنا شكلنا حقيقيين».

وينتظر دياب عرض فيلم السرب بعد تأجيله أكثر من مرة، وقال عنه: «عمل يشرف.. ولسه مش لاقي حاجة محترمة أرجع بيها للغناء».

دياب