دياب عن كواليس مسلسل هي كيميا: مناخيري كانت هتتكسر واترعبنا من توقعات الناس

تحدث الفنان دياب عن كواليس مشاركته في مسلسل هي كيميا ومشاهده مع الفنان مصطفى غريب.

قال دياب عبر تصريحات تلفزيونية: «مفيش مشهد ليا أكشن مع مصطفى غريب، ولكن في مشهد وإحنا بنفرغ الكاميرات مصطفى خبطني في مناخيري ودوخت مرة واحدة واتلموا عليا».

كواليس دياب في مسلسل هي كيميا

وتابع: «مناخيري كانت هتتكسر بجد، ومرة تانية صباعي ورم، ومصطفى غريب المسؤولية عنده بقت الضعف لأنه حاجز مكان كبير في قلوب الناس».

واستكمل دياب: «وأنا كنت حاسس بيه جدًا وهو قلقان هل هيضحك الناس، ولكني كنت بطمنه يوم ما عملنا أكشن قولتله إحنا هنبقى رقم واحد، اليوم ده حسيت بطمأنينة جيالي من عند ربنا، صحيح إني اتخضيت شوية قبل رمضان لما توقعات الناس عليت ده رعبنا أكتر».

تصريحات دياب

وقال عن مصطفى غريب: «من أهم المواهب والممثلين اللي وقفت قدامهم في حياتي المهنية، أكتر حد فاجئني في هي كيميا كان مصطفى، اه بيصنع ضحك لأنه كوميديان عظيم، ولكن في المشاهد اللي فيها دراما أنا ببص في عينه وأنا متسلطن جدًا ده ممثل عينيه مليانة مشاعر وطاقة، موهبته عظيمة وأنا مبسوط وأنا واقف قدامه».

وأشار دياب إلى أنه تعمد في مسلسل هي كيميا، تغيير جلده الفني هذا العام بعدما قدم أدوار الشر العام الماضي، مختتمًا: «الغناء دلع بالنسبة للتمثيل اللي بيتطلب مجهود نفسي وذهني كبير».