دينا الشربيني: لا أحب التدخل في حياة أحد وهذه الأدوار أقاتل من أجلها

كشفت الفنانة دينا الشربيني وجه الشبه بينها وبين الفنانة شيرين رضا، التي تشاركها بطولة حكاية ولو بعد حين من مسلسل حدث بالفعل.

الشبه بين دينا الشربيني وشيرين رضا

قالت دينا الشربيني: «أنا وشيرين صحاب من زمان، دايمًا بشوفها أيقونة حتى في شخصيتها وكل حاجة، وبنشبه بعض في حبنا للحياة وإنها إيجابية».

وتابعت دينا الشربيني في تصريحات تلفزيونية لها: «وبنختلف في إنها بتقدر تاخد موقف في حاجات معينة وأنا ساعات مبعرفش وبفضل ساكتة، وأول ما عرفت إننا طالعين أخوات في حكاية ولو بعد حين، رحت قولتلهم إنتوا كده لازم تجيبوا أم أجنبية وأب مصري أسمر عشان الميكس ده».

وفيما يخص أحب الأدوار إلى قلبها، علقت دينا قائلة: «في أدوار بتعب فيها قوي ومبتطلعش أحسن حاجة والعكس، لكن أنا بحب ورد في جراند أوتيل، وبحب دوري في زى الشمس، وفي عامل كبير قوي على المخرج والمؤلف، في ورق بيجيلك إنتي مش بتحتاجي تعملي فيها حاجة».

أدوار مميزة لـ دينا الشربيني

واستكملت: «وإزاى المخرج بيوجهك وإزاى تقدمي الدور مختلف عن أى حاجة قدمتيها، وأدوار لما بقرأها بحبها وبوافق عليها وفي أدوار تانية بقول أنا استحالة أسيب الدور ده وأقاتل من أجلها، وهو بيبقى شارح نفسه».

وتابعت: «وبيخليكي متحسمة تعرفي تفاصيل البنت دي كلها، وقالت عن علاقتها بالسوشيال ميديا: «مبحبش السوشيال ميديا مع إنها مهمة، والفكرة مش بس في إني مش بحبها أنا مش بحب أتدخل في حياة حد أيًا كان هو مين».

قالت دينا الشربيني أيضًا: «ياريت كل واحد يركز في نفسه ويهتم باللي حواليه، والسوشيال ميديا ممكن تستخدميها كويس وتبقى مفيدة وممكن تستخدميها وتأذي شخص، لكن بحب التيك توك جدًا ولازم نستخدمه صح، ولازم يكون فيه رقابة من الأهل على الأطفال».

دينا الشربيني دينا الشربيني

دينا الشربيني ونجمات الوسط الفني

وقالت أيضًا عن مايا دياب إنها مثل أختها، وتحب صبا مبارك وياسمين رئيس وكندة علوش، وفيما يخص الحب في حياتها علقت: «بحب إحساس الحب لكن مش شرط يكون بين واحد وواحدة، وعاملة توازن بين الحب والشغل، ولما بحب بحب قوي».

«تهديد دينا الشربيني».. مفاجأة مسلسل آخر دور في الحلقة الجديدة

بكرر غلطاتي.. تصريحات دينا الشربيني عن الحب قبل إعلان ارتباطها