دينا دياب: كنت خايفة الناس تتهمني بالابتذال.. وفيديو رقصي وصل خارج الوطن العربي

كشفت الفنانة دينا دياب كواليس مشروعها الجديد للرقص الشرقي، وتحدثت عن تخوفها من ردود الأفعال.

قالت دينا دياب عبر تصريحات تلفزيونية: «الفيديو ده أنا مكنتش متخيلة هينتشر الانتشار الكبير.. انتشر في دول برا مصر في الوطن العربي وبرا الوطن العربي عشان مجتمع الراقصين منتشر في العالم كله».

تصريحات دينا دياب عن فيديوهات الرقص الشرقي

وتابعت: «في الأساس أنا برقص في مكان في وسط البلد اسمه ستديو سمارة، ده المكان اللي بنتمي له حاليًا برقص فيه، زمان مكانش في اهتمام بأن أنا بستعرض جسمي على قد ما أنا عايزة أنقل حالة عايزة احكيلك باستعراضي وحركات جسمي بوريلك فن».

واستكملت دينا دياب: «بدل الرقص بتاع زمان مش كلها مستورة أوي بس كانت شيك ومتحسيش باشمئزاز وانتي بتتفرجي عليها الموضوع كان شيك أوي وفيه رقي».

ردود الأفعال على رقص دينا دياب

وتحدثت دينا دياب عن قلقها من رد فعل الجمهور، معلقة: «كنت خايفة الناس متتقبلنيش وكنت خايفة يقولوا دي رقاصة لقيتهم شايفين اللي أنا شايفاه وحاسين اللي حساه وشايفين أنه مش ابتذال ومستقبلني بقبول وحب مكنتش مصدقة وكنت بقول هو أنا بحلم تعليقات جميلة من ناس عادية وفنانين ونقاد، وكانت رسالة كنت بتمنى في يوم من الأيام إني أوصلها أقول للناس أن الرقص المصري أو الشرقي مش حاجة وحشة ولا هو ابتذال ولا هو حاجة رخيصة ده فن موجود في تراثنا من سنين».