دينا فؤاد: نفسي أقدم دور جاسوسة من ملفات المخابرات.. وبنتي أكبر داعم ليا

كشفت الفنانة دينا فؤاد عن حلم فني تتمنى تحقيقه خلال مشوارها، وهو تجسيد دور بطولي نسائي في عمل مأخوذ من ملفات المخابرات المصرية.

وقالت دينا فؤاد في تصريحات تلفزيونية: "أمنية حياتي إني أعمل بطولة نسائية عن حاجة من ملف المخابرات المصرية لجاسوسة أو بطلة متجندة، ونفسي أعمل الدور ده لأنه هو ده حلمي".

وتحدثت دينا بشغف عن علاقتها بالفنان الراحل نور الشريف، مؤكدة أنه كان صاحب الفضل الأكبر في انطلاقتها الفنية، وأضافت: "هو أستاذي اللي اكتشفني وصاحب الفضل عليا، وكنت باخد رأيه في كل حاجة، وهو اللي كان بيمرني، ويعتبر هو اللي درس ليا التمثيل".

أما عن حياتها الشخصية، فأشارت إلى العلاقة القوية التي تجمعها بابنتها التي تبلغ من العمر 17 عامًا، قائلة: "بنتي بقت أكبر داعم نفسي ليا وبتشجعني جدا، وفكرة أم وبنتها خلصت أول ما دخلت مرحلة المراهقة، وبقينا أصحاب جدًا، وبنتكلم مع بعض وباخد رأيها في كل حاجة".

وفي لحظة وجدانية، اعترفت دينا بتغير حساسيتها مع تقدمها في العمر، موضحة: "أنا اكتشفت إني كل ما بكبر في السن كل ما بقيت بتأثر بكل حاجة أكتر من وأنا صغيرة، وكل حاجة بقيت بتوجعني أكتر".